استفسار هام عند تغيير زيت الدفرنس
 

السلام عليكم ورحمة الله وبركاته
مساكم الله بالخير ياجماعة

انا معي ماركيز 2008 ومرة كنت مسافر للدمام وخربت عندي الرمانات وغيرته بأحد الورش طبعا لازم يفضي زيت الدفرنس وتعبيه من جديد
عاد بعد ماخلص شغل قالي رح لأقرب بنشري وعب زيت دفرنس
عاد أخوكم في الله كان جاهل بأمور الدفرنس ولاكنت أتوقع انه له زيت خاص نفس المكينة اللمهم قالي فيه نوعين نوع يجي بعلبة حديد ونوع جالون اسمه (تيتان ) قلت عبي تيتان لأن اللي بعلبة حديد يقولون للشاحنات

اللمهم بعدها سمعت ان هذا الزيت (تيتان ) ماينفع للفورد وممكن يطلع اصوات في المستقبل اذا استمريت عليه وافضل شي موتوكرافت لزوجه 75 -140 w
وفيه عامل تركي صاحب ورشة قالي زيت تيتان ممتاز وأغلب الناس مايغير الامن هالزيت ولافيه اي مشاكل
فأنا احترت الأن

فهل تنصحوني الأن ابقى على هذا الزيت ولا افضي الزيت واعبي الدفرنس زيت وكالة

افيدونا يأصحاب الخبرة الله يعافيكم
وياليت لو يفيدنا استاذ اصيل الحجازي بارك الله فيه ..