![]() |
معالج الحرارة اللي يصب في الرديتر السلام عليكم ورحمة الله وبركاته اسعد الله اوقاتكم بالخيرات والمسرات وبارك الله لكم فيما تبقى من شهر رمضان المبارك حبايبي انا حصلت معي مشكلة قبل فترة ونزلت موضوع وتفاعلو الاخوان في الموضوع جزاهم الله خير وعرفت وين الخلل الحمد لله وصلحته والسيارة الحين ممتازة طبعا انا فكيت بلف الحرارة من بعد ما حصلت معي المشكلة وما ركبته ورحت للصناعية ابي اركب البلف واشوف خرطوش الماء قاسي على طول قالي راعي الورشة عندك راس المكينة مشعور ورحت كذا واحد يقولون عندك مشكلة في الراس مع اني اشوف السيارة سليمة ما فيها شي ولا تخلط ماء مع زيت واسافر عليها وبسرعات عالية الحرارة ما ترتفع المهم في واحد قالي قص الجلبة اللي في غطا الرديتر عشان الهواء يطلع ما يقعد الخرطوش متحجر . وفي الاخير رحت لمكانيكي سعودي وقالي هذا سببه ان السيارة جتها حرارة من قبل والحق عليها قبل تخبط قالي اشتر معالج حرارة وصبه مع الرديتر وقالي الافضل تصبه مع الخرطوش اللي تحت عشان يروح للمكينة على طول وخله يقعد اسبوع او عشر ايام وبعدها غير موية الرديتر وركب البلف وتوكل على الله وامورك بتزين ان شاء الله وبيروح الهواء وهذا رابط مشكلتي السابقة http://www.mekshat.com/vb/showthread.php?t=686519 سؤالي وهو زبدة الموضوع ماهو معالج الحرارة هذا ووش وضيفته وهل له ضرر وما مدى نفعه وهل في احد جربه ولا لا وهل تنصحوني اصبه مع الرديتر ولا لا ؟؟؟ وبارك الله في الجميع |
الساعة الآن 10:48 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir