الرجاء افادتي بكل امانه دون تحيز
 

سلام عليكم



حبايبي انا معايا اينوفا8 سيمبيان وصارله 8 شهور وصراحه اول جهاز طول معايا للفتره دي. وماشالله تبارك الله على قد ماطاح مااشتكى ولااشتكيت منه لاصوت وبطاريه.

بس حبيت اغير الصراحه بس حبيت اخد رأيكم بس بدون تحيز رجاءا.

طبعا ح تقولولي استنى عائلة السامسونج الجديده وللعلم انا من المتحيزين للسامسونج بس حاب اغير ومحتار صراحه بين 4 اجهزة شيبت راسي كل واحد يقول انا.

انا محتار بين الريناور Lg و الارينا LG و الفيوتي LG وسامسونغ pixon 8800 طبعا الكاميرا من اهم الاشياء بنسبة 80% والصوت وسرعة النت عن طريق GPRS نادر مااستخدم الوايرلس يعني مو مهم مره. بس يهمني التصفح والماسنجر طبعا على مااظن كلهم جافا بس اهم شي في برنامج ماسنجر ولالا ينزل عليهم؟ وكمان الصور والفيديو عندي كثير ومايلزمني جهاز يعلق او يهنق من كبر التخزين زي النوكيا اذا كان يعلقو ماابغاهم كلهم. و من اهم شي الحركات والاوبشن وصراحه مالقيت بديل يقنعني عن الاينوفا غير هذول بس.


بلييييييييييز الرد بامانه طبعا حكايت اني استنى شولوها من بالكم لاني بغير بس طبعا لما تنزل الاجهزه حقت سامسونغ الجديده دا كلام تاني بس طبعا سعرهم ح يكون فقشه فعشان كدا ح استنى.

ياليت الرد السريع لاني ابغى اشتري يوم الاربعاء بعد يومين.
وعند اختيار الجهاز من الاجهزه ذكر اي عيب او شي ماعجبك في الجهاز.

وشكرا لكم ومالي غنا عنكم