منتدى استراحات زايد - تدري وش اللي يبكيني ويضحكني انك محامي قضيتنا وقاضيها

الصـوره اللـي ( بجوالـي ) تعذبـنـي
...................... ياكثـر ماجيـت ابمسحهـا ! واخليهـا)
(ياللي جفيت وجفـاك المـر .. ذابحنـي
..................... عقبك وجيه البشـر .. مانـي بدانيهـا)
(من يوم حبك .. غزى القلـب وتملكنـي
.................... قطعـت كـل العـلاقـات وطواريـهـا)
(اقـرى رسايلـك ودموعـي تسابقـنـي
.................... وارد ! واقرى الرسايل .. واحتفظ فيهـا)
(انت آخر انسان هاقـي منـه يصدمنـي
.................... والظاهـر ان هقوتـي بانـت مواريهـا)
(لو الوصايـا ليـا احتديـت ! تنفعنـي
..................... ياكثـر نـاس ٍ علـى ذودي بوصيـهـا)
(ليت الفـرح ( بنـك ) لاجيتـه يسلفنـي
........................ واقاصده ( راحتـي ) وحقوقـه اوفيهـا)
(من كثر ماكنـت ! جارحنـي وظالمنـي
........................ قمت اعـزل جروحـك بقلبـي واسميهـا)
(تـدري وش اللـي يبكينـي ويضحكنـي
......................... انـك محـامـي قضيتـنـا وقاضيـهـا)
(تدري متاك ؟ تعرف قـدري وتفقدنـي
........................ لارخصت نفسـك ,, لشخـص ٍ مايراعيهـا)
(بكـره الا هملـوك النـاس تذكـرنـي
........................ وتقول عـزاه : عينـي مـن يداريهـا ؟)
(مدام غيـري ؟ علـى قلبـك مشاركنـي
........................ وش هـو لـه ؟ اعلـق الأمـال وابنيهـا)
(يكفيني انـك رحلـت ومنـت عايفنـي
...................... هذا عزا النفـس مـن كثـرة بلاويهـا)
(اهديتك : دموع من طعنتـك تحرقنـي
....................... وانت اللـي تستاهـل الدنيـا ومافيهـا)
(واهديتني جرح .. موجعني ؟ وعاجبني ؟
....................... لـن الهدايـا عـلـى مقدارمهديـهـا)
(صحيح ! ( حنا انتهينا ) .. بس صدقني !!
...................... والله ان تبقى ( هوى روحـي ) وغاليهـا)
(مفضوح ؟ راع الهيام .. ونظرته !! تغني
....................... ملامحه واضحه ! , فـي وجهـه راعيهـا)
(لكـل داء ٍ دوا .. لـو هــو متعبـنـي
........................ إلا محبتـك ؟ .. أعيـت مـن يداويهـا)
(ان قلـت : علمنـي انسـى ؟ لاتعلمنـي
........................ دنيـاي لامـن نسيتـك ويـش تاليـهـا)
(فارقتنـي وضحكتـك عيـت تفارقـنـي
........................ والله يلعـن ابـو الفـرقـا وطاريـهـا)
(مقدر !! أفكر بغيرك ؟ .. وانت عارفني
........................ عشان حاجه ؟ بقلبي .. مقدر !! أخفيهـا)
(اخـاف لاحبنـي غيـرك ؟ .. وعاشرنـي
........................ يشوف صورتـك فـي عينـي ويوحيهـا)
(نشدت عنك ؟ وسمعـت اللـي يفرحنـي
........................ وارتاح صـدري مـن همـوم ٍ يحاتيهـا)
(تبي تعرف ! وش ؟ على الفرقا مصبرنـي
.......................... انك بخيـر .. وحياتـك مهتنـي فيهـا)
(من يوم ماغبـت ! والوحـده تعذبنـي
......................... اقرى ( رسايلك ) في حرقـه والاحيهـا)
(اشوف ( صورتك ) .. ودموعي تسابقنـي
......................... وياكثـر ماجيـت أبمسحهـا ؟ وأخليهـا

وسوالم