مشكلة قير اللاند 2004
 

السلام عليكم يالربع
قبل 3 أيام طلع صوت مدري وشهو في المكينه او القير مثل ازيز او الزنه يزيد مع دعسة البنزين ...
بعدها اول شغلة القيرقام مايعشق على الr واذا اعشقه d يمشي ويبدل 1 و2 بس يعلق ولا يبدل ويحن ومرات يبوش ال rpm يوصل عالي ولا يبدل بعدها قام مايلقم بال d ويطول عشان يلقم
رحت الشويخ فحصت كهربا حساسات القير مافيهم شي وفحصت كمبيوتر مافي شي
وديته عند كراج معروف طلع فيه نص ساعه قال لي بدل زيت وفلتر وشوف البراده اذا كثيره معناه جفت القير (تجفيت القير يعني توضيب القير) لكن قبل لانوصل الكراج بوش القير اول علق ولا يقولي القير سلم عليه لازم تجفيت
التكلفه 350دينار عدا شغللات اضافيه مثل كيبل الكيداون او حساسات يعني احتمال يوصل ال500 دينار تصليح

بعدها وديته عند واحد معرفه وطلع فيه وقالي نفس الكلام تجفيت القير وسالته عن تبديل الزيت والفلتر قال ماينفع الحين الغيارات كلها ماتشتغل
المهم خليت الموتر عنده واليوم يردلي العلم الاكيد اذا تجفيت ولا شغلته هينه
وكان الله في العون