تم بحمد الله اصلاح وجود هواء في خزان الجمس
 

الخلل :
يوكن موديل 2005 لاحد الزملاء وجارنا في الحي لا يقبل تعبئة الوقود عند المحطة لو تحط نقطه ترجع على برا عمال المحطه يطفشون يضطر للتعبئة بعشرة ريالات كل مره وبعد جهد .

بداية العمل :
فكينا الحساس الذي في جانب التانكي و كذلك العليه التي بجانيه حصلناها يوجد فيها رصاص اسود متفتت و داخل في اللي القادم من التانكي غيرنا القطعتين كلفت 450 ريال .
ركبناهم ولا نفع . صاحبي طفش و قالت له اكيد انه اللي الواصل بين التانكي و دبة التلوث الخاصة به مليانه رصاص لكن اذهب الى ورشه وقوله يفك التانكي لانه صراحه فكه صعب ولا عندنا حفره المهم راح إلى ورشة البشام بجده اول شي فحص بالحهاز 100 ريال بعدها قالهم فكوا التانكي قالوا لا هذي شغله بسيطه فكوا اللي من جهة دبة التلوث ونفخوه له بالهواء طبعا كله راح على التانكي . اخذوا منه على نفخة الهواء 50 ريال بعد حبة خشم مشي . عبى ونفس المشكله جاني طفشان يقول ببيع السيارة قالت عطني اسبوع عندي شغل وبعدها تجيبها عندي البيت المهم رفعنا السياره طوب من حقت الرصيف و سمينا بالله انا وهو و فكينا التانكي ونزلناه تقريبا اخد منا الفك 30 دقيقة . فصلنا كل شي وفرغناه من باقي الوقود اخذناه على جنب تخيلوا انه حصلنا جميع الليات حقات التنسيم مسدوده من مادة الرصاص عباره عن حبوب لونها اسود اسطوانيه طلعنا الطرنبة حصلناه اللي داخل التانكي حقت التنسم مقفل من المادة نفسها نفضناه وقلبنا التانكي بعد ما خرجنا الطرنبة اللي حقت التنسم جوات التانكي كنا ننفخ فيها ما يروح الهواء بعد ما قلبناه انكت شي يهول من الرصاص . بعدها بدينا نرجع كل شي مكانه . وبعد ما شدينا و رجعنا باقي الوقود بالتانكي راح للمحطة وانا متحمس بشوف اقول يالله تنجع الا هو يتصل على يقول الله يرحم ولديك ويخلي لك عيالك عبيت لين الخط الاخير بدقه وحده .... لذا أي شخص يعاني من نفس المشكله ترى هذا السبب حتى لو غيرة الدبه والحساس اذا ما نفع معاك فك التانكي و نظف الليات الواصله بين الدبه و التانكي حتى الذي يدخل من الطرنبة إلى داخل التانكي نفس الشي تجده مليان .