نصيحة توضيب او مكينة جديدة كامري 2003
 

السلام عليكم ورحمة الله وبركاته ..
ندخل في الموضوع بشكل مباشر ... كامري 2003 تعدت 300 ألف كيلو متر .. امبير الحرارة كان طبيعي ولا يوجد ارتفاع في الحرارة .. والزيت ماشي حول 2000 كيلو فقط , فجاة ولعت لمبة المكينة ( تشيك انجن ) ولمبة البطارية .. توقفت الا والرديتر فاضي مع العلم تم تعبئة القربة قبل اسبوع وفضيت ثاني , لا يوجد اي تهريب , المهم وقفت السيارة ساعتين لين صارت باردة , عبيت الرديتر ( مويا اصلية طبعا ) , لكن صوت المكينة اختلف في التشغيل وتفتفه ودخان من الشكمان . :(

بعد الفحص تبين انها خلطت زيت بمويا , وتفريغ الماء كان من الشكمان ووجه المكينة تالف وان السبب كان انسداد في الراديتر .

المهم المهندس يقول اما مكينة مستعملة حول 8000 ريال ,, فكرة المكينة شلتها من راسي لاني قرات للاستاذ اصيل ان التوضيب افضل واضمن بفضل الله , لكن التوضيب قال بيكلفك حول 12 الف ريال قطع وتركيب . :eek:
ياريت يااخوان تنصحوني وش اسوي وهل فيه توضيب اقل من كذا ام لا . مع العلم ان الورشة مشهورة جدا بمكة المكرمة . :D