سؤال فني عن معيار زيت القير في الفورد اكسبلورر ؟؟ ساعدوني يا اخوان
 

السلام عليكم ورحمة الله وبركاته

أرجو ممن لديه المعلومة الافاده ...

السياره :
فورد اكسبلورر موديل 2007 - أمريكي - 6 سلندر - بدون دبل ...

غيرت زيت وحصل التالي :

- العامل طلب 6 لتر زيت قير موتور كرفت ... غيرنا الفلتر والقازقيت ... وعقبها ادخل الزيت عبر صرة تنك زيت القير أسفل السياره وبدأ بنقل الزيت من خلال هوز موصل بالصره ... والسيارة شغاله والقير على p

الملاحظة : خلص الست علب وسحب الهوز والزيت اندفع للخارج من خلال الصره ... وقال هذا الزيت الزائد ... خلال نزول الزيت قام باغلاق الصره ... وقال هالحين الزيت أوكيه ...

بعدها بكم يوم يعني تقريباً أسبوع وشوي طلعت علامة المفك ... كلمت احد أصدقائي من مستخدمي الفورد اكسبلورر وقالي احتمال يكون الزيت زائد وممكن يخرب عليك الصوف والقير ترتفع حرارته مع الخطوط وتطلع لك علامة المفك ...

رحنا حفره والسيارة شغاله فتحنا الصره ... ونزل الزيت بغزارة ... لكن خفنا ينفذ فسكرناها على طول ...

السؤال : هل من المفترض ينزل الزيت اذا فتحت الصره والسيارة شغاله ولا الزيت زايد فعلاً والمفروض ننقصه ...

القير تمام في الاستخدام لكن مع الخط تطلع علامة المفك ... والشك كل الشك بمعيار الزيت ... كيف أتأكد وهل تنقيص الزيت بالطريقه اللي سويتها مع صديقي صحيحه ولا لأ؟