|
مبرد القير في الفورد اكسبلورر ... حلول مقترحه السلام عليكم ورحمة الله وبركاته يشرفني الانضمام لهذا المنتدى الجميل ؛ وأود أن أطرح تجربتي مع قير الاكسبلورر 2007 العام الماضي كانت تطلع على شاشة الطبلون لمبة المفك ؛ وكنت مهملها ومو مهتم ... وعقبها صار عندي تهريب لزيت القير وطلع اسود وذهبت الورشة وقال القير يبيله توضيب حرارته ارتفعت ومخبط ... وضبنا القير وغيرنا الزيت ... ورد نفس اللمبه تطلع رجعت قال يمكن حساس القير وهذا قيمته الف ريال ... قلت خلها لآخر الشهر ... بعدها بكم يوم قلت شيكت على الرديتر بالصدفة الا يقولي راعي الورشة الرديتر تعبان انصحك تغيره ، جبت واحد اصلي ب 900 وشوي ... المهم راحت لمبة المفك واختفت ... واكتشفت انه مبرد القير مشبوك مع الرديتر وان الموضوع لا هو حساس ولا بطيخ ... الحين مع بداية الحر رجعت لمبة المفك ... وعندي شك مليون بالمئه ان السبب يعود للتبريد لأن اللمبه ما تطلع الا بالخط مع السرعات العاليه يعني حراره ... بس الرديتر جديد .. الحلول المقترحه وابي شوركم ... - أسوي تصييخ للرديتر مع ان عمره سنه؟ - ولا افصل تبريد القير عن الرديتر بمبرد خارجي .. ولا هذي ألطريقه لها سلبيات ؟ وان كانت مجديه ، إِيش أفضل نوع لهذه المبردات ومن وين أجيبها فالدمام وأحسن ورشه تركبها؟؟ لأَنِّي والله بيجيني شلل من ورش الخضرية ... يفتونك قبل ما يشيكونها وتطاوعهم وتدخل في قصص جديده مالها اخر ... وان رحت للكمبيوترات ما يعطيك الحل وياخذ منك فلوس بلاشي ... - المشكلة الثانية : لما اشغل السلف يتأخر وتنفض السياره ، ولما أطفيه بعد تطفي مع نفضه ... ومن أفضل كهربائي بالخضريه الدمام او الخبر ... |
| الساعة الآن 08:49 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir