منتدى استراحات زايد - معاي ددسن 2004 غمارتين

السلام عليكم ورحمة الله

شخباركم عساكم طيبين

ي جماعة الخير انا عندي ددسن 2004 غمارتين ستاندر

الموتر على يد جدي من وكالته وانا ثاني مستخدم له
وجاتني فكره اني ابيعه بس ترددت ، لان حرام ابيعها موتر ماوصل عداده 160الف وفيه كم مكان مسكمر مايعيبه على قل الممشا والموديل ، ماشاءالله تبارك الله عليه موتر طيب بالحيل

الوكاد يالربع موتري ذا اول ماخذته ومسيته خط ؟ تخبرون الشياب من البيت للمجلس للسوق ويمشي 80/100

الوكاد السياره تحتر معاي وصارت نص او قريب للنص بس لادعست بالخط نزلت ، رحت لميكانيكي قالي تماتيك مروحه وبدلته وزي المشكله ، وقلت يولد خلني اشيل حساس الحراره وشلته وراحت معاد فيه حراره ، بس ساعات تجيها شطحات تصير على الخط الثاني او فوقه شوي

خلاصة كلامي ذا
ابي شي يقوي عزم الموتر ويخليني انسى الحراره ، ومايضر على المكينه والقير والدفرنش ، اسلاك فلاتر بواجي مراوح اللي هو
افيدوني بخبرتكم

والموتر حق سفر وديره ومقناص ( بتاع كلو )
عطوني اراكم نستفيد منها ، للعلم انا بحفر الباطن ، واذا فيه ورش متخصصه بهالشي بلغوني ولكم جزيل الشكر