منتدى استراحات زايد - قصيده تذكركم في المقناص من قصايدي

قالـو حبـاري بالجزيـره كثيـره = وبوصفهم قالو سـوات الجـرادي
قالو ترى خنيزيـر يـاوي ديـره=بريقتـن مـا لاح فيهـا سـوادي
وقال احذرو منها تراهـا خطيـره=القاع وعـره وحـذرو بالهـدادي
من الوصف صرنا ياجماعه بحيره=مدري غلط بالوصف او قول جادي
يوم اجتمعنـا بالوجيـه السفيـره=ربع ٍمنا نفسـي وغايـت مـرادي
تجمعو مـن كـل صـوب ٍوديـره=واكثرهم الـي ساكنـن بالرمـادي
شـدو ومـدو ناحريـن الجزيـره=لين اعترض طارن زما له احدادي
يومـن دنينـا ابـرق ٍفيـه نيـره=كنه يصوت معترض كـل غـادي
قالو عليـه وحـث كلـن مسيـره=ودونه شعيب ٍمعتـرض بمتـدادي
وادي ٍكهوفـه مهدفـات ٍعسيـره=بطرافه الرعيـان تذكـر اعـدادي
كلن تولم وعتلـى الكـف طيـره=وعقب الهوا مصباحنا صار هـادي
وشفنا مكان الريش وهذا بشيـره=والا الاثر مفقـود ارضـه جـلادي
قالو ياعايـد عندنـا لـك بحيـره=الموت عنـدي لونهـا بالحمـادي
حروه تطير الي عليكـم عسيـره=بعون الولي الي عليـه اعتمـادي
واطلق عليها ام السبوق القصيـره=سبق الذي لاثـورة مـن زنـادي
تلحق لحوق وما عليهـا عسيـره=وكل من زرع يرجي وراه الحصادي
قال الزمو عرفت انـا هـد طيـره=قال الزمو يالربـع طلعـه وكـادي
الجول طار ومشملن فـي مطيـره=عشرين شفت وقالـو الربـع زادي
سقنا وراه وشفت انا طـار غيـره=قلت الزمو والربـع كلـن ينـادي
هديت سودى من وراهـن مغيـره=طاحن ثلاثه وراح خـرب ٍعنـادي
وعلـت كمـا كدريتـن مستذيـره=بحريتن يامـا فـرت مـن ثنـادي
يوم انزلت قلنـا اجلـه ومصيـره=ياكنها برقـن هـوى وسـط وادي
خرت عليه ام الكفـوف الشطيـره=لين اصبح المسكين بيـن الايـادي
وصاح الجهاز وقال تكفى كسيـره=قلت ابشـرو مسجونـة ٍبنفـرادي
حي ٍعزلته ورحت انا ادور غيـره=وكلن بقاعه طيره اليـوم صـادي
يومن رجعنـا ناحرينـن مطيـره=العشب خفش ومختلـط بالزبـادي
طارن مجافـي مخلفاتـن مسيـره=ياكننـا بحـرب ٍنقصهـا عتـادي
بالطير صيدي وبندقي في جفيـره=صدت اربعه ياذياب قبل المنـادي
قلنا اوقفو كلـن تشبـب بطيـره=بان التعـب ياكننـا فـي جهـادي