|
بيني وبين أبي سعد في موسم الضبان أبو سعد هذا أحد أصحابنا ويسكن بلدا تبعد عنا حوالي 200كم ولكن التواصل لا تقف المسافة عثرة في طريقه بإذن الله وفي يوم من الأيام طلب أن أذهب إليهم لنصطاد الضبان ويرى بعضنا البعض لوجود فترة زمنية بين آخر اجتماع لنا فقلت أنني قد قررت الذهاب إلى مكان لا زال الربيع يغطي أرضه ولم يتأثر بعد ويبعد عن بلدنا تقريبا 350كم وفعلا ذهبت هناك ووجدت الأرض طيبة والضبان أطيب فأخذت منها قدر كفايتي ولله الحمد إلى أن رجعت بالسلامة إلى بلدي ولكن صاحبي أبا سعد لا يدري ماذا وجدت وكيف هي الضبان لأنني وصلت ولم أخبره بعد ولكنه سبقني بالقصيدة التالية عن طريق الجوال يقول فيها عطنا الخبر ياركب فوق نيسان=متوجه صوب الديار البياحي فوقه غلام بالوصف كنه حصان=عز الله انه من طيور الفلاحي يبغى من إلي بالشحم مشيها بان=متنوع رعيه وبان الصلاحي من فضل ربي صاير اليوم شبعان=والثرب كنه يارفيقي جناحي اما المكون اليوم إفشانها شان=البيض وسط البطن بعضه لقاحي عطنا علوم الصيد ياطير حوران=ياعلها دايم امورك رباحي يوسف ترا مثلك له القلب شفقان=والقلب معكم يارفيقي استراحي واسلم وسلم عد مابارق بان=وإعداد ماهبت هبوب الرياحي وصلاة ربي عالنبي نسل عدنان=إعداد مابانت بوادر صباحي ( أبو سعد ) فما كان مني إلا أن أجبته بالقصيدة التالية التي أقول فيها حي الجواب اللي بخطه تمسان=من واحدن عطره بالانفاس فاحي اهلا هلا بك يابا الاقفار ذيبان=يا واحدن بالبال حتى بمراحي وان كان تنشد عن مقانيص ضبان=ابذكر المطراش باول صباحي مشيت وقت الفجر والنور ما بان=من فوق نيسانن يشق البياحي اليا مضى كنه قطا نجد جفلان=او يشدي النيزك لنور وطاحي طرشت لديارن عثت فيها الامزان=الورد درعي والبنادق سلاحي خرازة البرنو مع كتاب قرآن=مع قدري الكاتم ورمح ومساحي وعسفت نفسي لجل اوردها الازيان=على الصبر مفتاح ضيق الكفاحي ثلاث ساعاتن طريقي تلقان=من ديره لهجره لبعض الضواحي لما وصلت ارضن بها نبوت واغصان=بسباسن وجنبه وبعض الطلاحي وقمت ادلج ما بين فيضه وحصيان=وشفت المكون بوضع سدح انبطاحي ما كنها الا سعن الاجواد مليان=او عكة الجفره بها السمن ساحي والخلب لا تنشد كما رهوف قرصان=لونه كما العصفر به الطلع داحي اخذت لي سجه مع فجوج بران=والحمد للي دلنا للفلاحي هذي حياة البر من ماضى الازمان=تنثر على كبد المولع قراحي يوسف الخليفة ( أبو عبد الله ) |
| الساعة الآن 12:15 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir