|
لاندركوزر 2014 معه ساكتون ويلحق ورى دخله بالنسبة للقميري انا من خمس سنين اقنص والله ما عمري شفت إلا ثلاث قميريات .. 2 فري (سمن )بس هذا حصيله خمس سنوات من القنص بشرق الرياض ...والباقي كله قوقس وابو طوق..... ووشعيب الطيري والرمحيه ورماح وما حولها ناشفه ما فيها غيرالغربان والتربان ....... اما الدخل موجود بس حسب النزل مره كثير ومره قليل .... هذا بالنسبة لشرق الرياض اذكر السنة الماضية .. كنت اتمقنص وادور قميري ...وفرفر بالبران من شعيب لشعيب .. من شجره لشجره ....... ولفت انتباهي راعي لاندركوزر 2014 معه ساكتون ويلحق ورى دخله من شجره لشجره .... يصوب عليها ويرمي وما يصيبها ..... ويلحقها للشجره اللي وراها ويرمي وما يصيب ..وهكذا ...من شجره لشجره .......كسر خاطري.. رحمته .. لاندكرزور 2014 يحلق دخله ...أم أم أم أم الحاله .... آخر شي طارت الدخله وطبت على الشجره اللي عندي بجنبي .... طبعا هو استحى يجي عندي....لانها قريب مني وما يبي يخرب على عليه يعني .... طبعا الوضع كان غبار وهوا شوي ... وظهر ... ظهير مو ظهر .... انا قلت بنفسي هذي اخرتها ,,,..... هذى اخرتها ..... هذا حالنا لما تكتب بجوجل اماكان القميري بالرياض .....او بالمنتدى ...... يطلعون لك 6 مليون شخص يقولون لك .... شعيب الطيري والرمحية ورماح واطراف الرياض وافخاذ الرياض وسيقان الرياض ...كله كلام مكرر .... معيود...اللي رد عليك نسخ ولصق وبس.. فعليا هو ما يدري وبس عاد الكلام وبس ..... بالعربي ما في شي بشعيب الطيري والرمحية ورماح ... كلها غربان ..... واذا في كلها قوقس وابوطوق ودخل .............حتى الفري ناااااادر ناااادر هذا الزبده سلمولي على القميري بالرياض .. |
| الساعة الآن 04:05 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir