رجة الباترول ومركب فرار هل لازم اشيل الورده حقت الدبل
 

جيب باترول طويل91 به رجه من 100 حتى 140 تقريبن
الرجه صراحه تظيق الصدر وبقوه
لاكن بغيت افك اليوم الوردات حقات الدبل الي تجي جانب الكفر وحده تحت ووحده فوق معروفه لاكن قلت انا مركب فرار وش دخل الرمنات والوردات دام انا مركب فرار
المهم الياي استرالي المسعدات شاص الربل والاذره الي يبي ومحتاج كبس كبسته والي محتاج تغيير غيرته ومساعد الدركسون الاسترالي الاصفر طيب وش سبب الرجه
طبعن الكفرات بالون 900 جنط هلل
معروف رجة البالون لاكن اذا احتما تخف
هل فيه حل اخر هل لازم اغير الكفرات رغم انها شبه جديده والمشكله بالبر طرب الكفرات
ولو اركب كفرات مضلعه تنفع للبر والنفود

ملاحظه الموتر مرفوع من ورا 7سم ومن قدام 5 سم بس محمل الموتر تانكي وعزبه وحطب وشيول وفاروع ومراكيب ومدقه والعزبه ثلاث عزب وترمس وفرش ومراكي ورواقين وعده وقلص يعني به حقه وزياده
ونزلت القير حول2سم

وبنزله زياده

الي ملاحظه العمد بين الدفرس الخلفي والعمود يدخلن في بعض به فضاوه رحت لراعي العمدان عشان يشوف وش فيها قال عادي او غيره ب1500

والرجه قدام احس فيها مي بخلف
وانتم ادرا مني واخبر الي يقدر فيدني لايبخل علي ولكم كل الشكرا

موقي الرياض