بسم الله الرحمن الرحيم






مشرفي ومراقبي وأعضاء وزوار منتديات مكشات..



السلام عليكم ورحمة الله وبركاته



وأسعد الله جميع أوقاتكم بالخير والمسرات






العلم يالربع اني بعرض لكم تغطيتي للخيرات اللي ربي رزقنا بها من الحاله الماضيه " رخاء "


وذلك بفضلٍ من الله سبحانه وتعالى..



ونحمد الله ونشكره على واسع فضله ورحمته..




{ لئن شكرتم لأزيدنكم }




سلمكم الله التقرير بوه ٥٥ صورة.. تشمل خمس ديار في منطقتين.. ( حايل والقصيم )



•مشاش بن جازي


•البعايث


جنوب حايل ١٥٠ كم تقريبا


( ٢٤ صور )




•عماير سعيدة


•النقرة


•الجفنية


اقصى غرب منطقة القصيم


(٣١ صورة )



*نقدر نقول هالمناطق في قلب المثلث الذهبي




وكانت التغطية بواقع ثلاث ايام متتالية يوم الثلاثاء والأربعاء والخميس ٢٤ و٢٥ و ٢٦ لشهر مارس ٢٠١٥.





بعد هالمقدمه ياللي طولت عليكم فيها اربطوا الأحزمه فالمتعة ستنطلق معي انا... مجيد السليمي...




البداية كانت سلمكم الله اخر نهار الثلاثاء " العصير " جنوب منطقة حايل تحديدا مشاش بن جازي وكانت هذي بداية الخير



http://up.albrari.com/uploads/14282352061.jpg



http://up.albrari.com/uploads/14282352062.jpg


كان الجو بهذا اليوم ماهو بصافي، بوه غبار وما تشوف النشو، يعني ما تدري الا وهي مسميّه عليك السحابه


وهالشي "سلبي للمطاردين وعشاق منظر السحب طبعا"






المهم جتنا صورة للرادار تعلمنا بسحابة شمال البعايث واتخذت اللون الاحمر في الرادار يعني استوت..


مشينا لها



*طبعا المسافه كانت حوالي ٣٠ كم



ودعنا نهار الثلاثاء ودخلنا الليل.. وساعة واقترابنا من حدود السحابه كان هالمزيون في استقبالنا وتحديدا كان شمال البعايث ٧ كم تقريبا



http://up.albrari.com/uploads/14282352063.jpg


هذا الحبيب ما عبّر احد قطع الطريق ومضى في طريقه

وافضل قطّاع طرق والله..

عسى الله ما يحرمنا من تقطيهم لطرقنا ههههههههه



http://up.albrari.com/uploads/14282352064.jpg



هنا شعيب لبس البرد فوقه كنها بشت... امير الشعبان اللي سالت من قده

http://up.albrari.com/uploads/14282352065.jpg



وعشانه امير الشعبان تشرفت بالسلام عليه ومصافحته

http://up.albrari.com/uploads/14282352066.jpg



وهنا فرحة لعشاق البرد ويلتقطون الصور ليشاركون اصحابهم بوسائل الاتصال الاجتماعية الفرحه

http://up.albrari.com/uploads/14282352077.jpg



كانت السحابه سيليه بمعني الكلمة وماهي عريضه بالحيل تجي كيلو تقريبا.. البروق فيها يوم حدرت لا تهدأ ولو لثانيه وقفت طبعا وكحلت عيوني بوميض بروقها لانها ما تتكرر كل مره



وننتهي من هاليوم الرائع ياللي كان متأخر شوي بخيراته لكن متى ما جاء الخير ينفع




,,,












نجي على يوم الاربعاء ٢٥ مارس وكان الجو الحمد لله صافي من الغبار والنشو يطرب والبداية بعد ما تغديت عند عيال خالي في البعايث عسى الله يجود عليهم .. قعدت اخيل الوضع واترقّب.. وكان النشو جنوب البعايث طيب ومغري ..وسقتها جنوب مع طريق البعايث عماير سعيدة


ومع وصولي لعماير سعيده لقيت هالسنافي بحجاجٍ طلق


http://up.albrari.com/uploads/14282352078.jpg



http://up.albrari.com/uploads/14282352079.jpg



http://up.albrari.com/uploads/142823520710.jpg


هنا صوره للشعيب، ولاخوياي المطاليق، ماجد حميد، وحزام عيد؛ وخوية السعد الهلّي والمنشأ وراهم يبيح مكنون كل مطارد.


http://up.albrari.com/uploads/142823520711.jpg


مشينا من الشعيب وساعة تحركنا الوضع غرب موقعنا تتطور بشكل سريع

زي ماتشوفون


http://up.albrari.com/uploads/142823520712.jpg



استشرنا انا واخوياي وقررنا نرجع جهت البعايث ونعترض درب السحابه


وساعة اقبلنا على البعايث وتجود قدامنا هالمزيونه

وربانها حديث ولاده

http://up.albrari.com/uploads/142823520713.jpg



مع اقترابنا لها اكثر ودخولنا في طرفها

http://up.albrari.com/uploads/142823520714.jpg



يزود هطولها كل ما تقدمنا

http://up.albrari.com/uploads/142823520715.jpg







لازال للتقرير بقيه