محتاج مساعدة من اهل الخبرة في عطل في السيارة
 

السلام عليكم
انا اخوكم طالب مبتعث. عندي موستنج ٢٠١٠ ومن اسبوع تقريبا مسكت الخط السريع واول ٥ دقايق طلع دخان ابيض من الشكمان وبعدها بكم دقيقه الدخان صار من الكبوت، جنبت السياره الرديتر فاضي وعبيته ماء واختفى بدون تهريب .وسحبتها على ورشة وغيرت الثيرموستات والهاوسنج على كلامهم. الزبده استلمت السياره واول مامسكت خط اشوف الدخان بدا يطلع ثاني بعد ٣٠ دقيقة من الشكمان بس واستمر لين رجعت البيت بعد ساعة ونص،رجعت للورشه وقالولي لازم اغير ال gasket وتكلفتها ٨ الاف ريال!!!.
حسيت انه نصاب وديتها ورشه ثانيه قال بغيو البواجي بس، امس استلمتها ومااشوف الا الدخان مره ثالثه والرديتر مليان!!
تكفى اللي عنده علم يفيدني .نا المصيبه ما افهم قد كذا بالسيارات و بديت وسوسة والامريكان سبك ما يفهمو كل واحد يقول كلام على كيفه.

مشاكل بالسياره قبل الحادث:
١- السيارة كانت ترجف اول ماتستغل كانها بطارية مع اني غيرت بطارية قريب. اتوقع عشان كذا اتغيرت البواجي.
٢- بعد كل مرة استلمت السيارة ماكان فيها دخان الا يوم اشغل الدفاية. مدري صدفة ولا وسوسة.
٣- الدفايه تاخذ وقت فوق العادي عشان تشتغل من شهرين. كان الهواء بارد اول ١٠-١٥ دقيقة .تقدر تقول مشكلة كمبروسر.
٤- الشكمان ينقط ماء من جهة الكفر وهذي المشكلة اليوم شفتها بعد المرة الثالثة