منتدى استراحات زايد - __خـبـيـر الـشـنـق

بسم الله الرحمن الرحيم
السلام عليكم ورحمة الله وبركاته
مساء الخير ياجماعة

جفران قرناس بيتي طرح قندهار
إذا صدر حكم على كروان والا حبارى قام جفران في أغلب الأحيان بنصب
مشنقه في السماء وقام بتفيذ الحكم .. ولقبناه (( بالمشنقه ))

جاني وقت الربطه كنت اعد الأيام والليالي يومه في المقيض . أظهرته من المقيض وعاشر يوم كنت في مرسى مطروح في مصر
خرجنا عصريه بفرخ جبلي ماخذينه من مطروح مدهل ومتوجه قلنا ندور
له كروان في طرف الديره . طار جول كراوين من بعيد مرتين وشافه
الجبلي ولاطلبه قلنا بنطلع جفران عليه من بعيد يمكن يصيد واحد
نعلم الجبلي

أول ماشلناه طار الجول وحول جفران واخذ له وجه التراب والجول تعازم .
رقى له جفران والجول كنه مربوط فـ السماء .
أول تنفيذ الشنق كان جنوب مرسى مطروح تخالف الخناق والصايد على
رقبة الكروان وكان على ارتفاع 100متر .. تعشى لين صدر والجبلي
تعشى على الشلو

http://www.mekshat.com/pix/upload01/.../mk8575_g1.jpg
كروان مرسى مطروح ماصورناه لكن هذا كروان جنوب (( سيدي براني ))
شنقه فـ السحاب اللي تشوفونه

هدد لايمكن يصدق لطير بيتي . محال اللي سواه فـ الكروان يتكرر
كان هداد عقب طير عود عن الكروان . طلبه وبعض الرياجيل
مايشوف الكروان

دخلت الديره وعلى طول على تلفون . كلمت على تركي بن عون
وشكرته لأن الطير جاني من عنده . عطيته علومه وقال
باااقي مااااشفت من فعله شي ..

فعلا جفران ماقد فكيت سبقه على حبارى .. كروان .. ارنب وافلس
ولاقد ضيعته هاد ودورته بالجهاز .. الا مره تعطل الموتر
وهو يطرد حبارى . مشيت وراه رجلي ولقيته بالجهاز
عقب ما خيم علينا الليل

http://www.mekshat.com/pix/upload01/...575_g1 (1).jpg
هذي صورة الحبارى يوم تعطل الموتر

أول حبارى صادها كنا هادين طلع طير بيتي وعقب جيناه مضايف يوم قربنا
منه طارخرب ابو الحكايا خطفه القرناس ورقى معه ونطحه الريح مرتين وخالفه وتوقعنا انه بيعتق .. مافيه حل اخر غير نلحق جفران
كنت منكرب هل جفران بيطلبه ؟؟ وهل بيلحقه ؟؟
http://www.mekshat.com/pix/upload01/...575_g1 (2).jpg
يا جماعه من يوم قلب فيه وحول من الموتر إني ذايق منفعته وضامن الحبارى
ولا حسبت حساب الا الطير الاول لا يخاشره ويعطب صوابه
الصلاة على النبي دخل عليه ودفن كفه في غلب الخرب ولوى رقبته
فـ السماء فوق وكان اول مشنقه ينصبها لحبارى
طلق . طلق من يوم تل الـمـسـابيق .. الجـالـعـة ضـمـنـتـهــا فـ الــعــلــيـقه
أقفى يلـــــم يــشــقـق الجو تشقيق .. صلف الـهوى عــن مـطـلـبـه مايعيقه
والله لحق لو الــــمـــدى فيه تبريق .. وقامــــــــت تخطف عقب قالوا عتيقه
يخم كاش الريـش ويـفــــــك تفريق .. لين أبو صالح قـــــام يـــشــرق بريقه
هم خمها خمة صدوق العــشـاشيق .. خم العــــشــــــيق اللي ملاقي عشيقه
وجوني من اللجه وأنا أغيب وأفيق .. ما عـــــــــرف انا في حلم والا حقـيقه
ويقول علمني عسى مابـقى ضيــق .. كلش ولا ضـــيق أبو صالح ما أطـيقه
واقول أنا اسعد واحد ٍِ فـالـمخاليــق .. من هــــو نقل شرواك ما شاف ضيقه
فــتـحـت بيــبـــان السرور المغالـيق .. غـــرب ٍ مـــــن اللانوف قبلي بــيرقه
وأخذت من عندي عهود ومواثـيـق .. إني ما أفـــــــرط فــــــيك بأية طريـقه
إلا لبو محسن عــشـــير المطاليـــق .. واللي ما هو شروى البطل في حريقه

http://www.mekshat.com/pix/upload01/...575_g1 (3).jpg
السنين اللي كان فيها جفران معنا كانت السنين الذهبيه .. ملكت من أفضل
الطيور زين وفعل
لكن
بعض الطيور حبه ليا سكن في الفؤاد ما يظهره إلا الموت ..
من محبته ليا نويت المغزا أقصد المقناص إحتزمت بجفران من محبته
خاطرت بنفسي وبه عدة مرات .. هربته لعدة دول .. غربني لكنه ونسني

أسعد الأوقات لافكيت مهاده وشلته على كفي سليم معافى بعد التهريب
في البلد اللي ناوي اقنص به فيها
شعور لايمكن يوصف

http://www.mekshat.com/pix/upload01/...575_g1 (4).jpg
الله ..ياكـم ركبنا البحروجفران معنا!! . مافي الخاطر إلا متى ناصل يا جفران نوريك الصيد
وتورينا الفعل

في السفينة متجهين للسودان

http://www.mekshat.com/pix/upload01/...575_g1 (5).jpg
سجل في عدة دول ذكريات لاتنسى . شمال افريقيا والمملكه .
لهيت بإنهاء اجراآت الجمرك . وامرح ماتعشى وفي الصباح تحركنا للمقناص
وفالطريق ليقينا جول كراوين . كانت الطيور متعشيه واجد كل طير يطرد
شوي ويرجع . جفران صاد الاول قدام المواتر والثاني فرق به المواتر
وصاده . والثالث نصب له المشنقه فوق . ذاك الهد عالق في ذاكرة
الجميع . كانوا يرفعون الصوت يوم جفران يردده
. مشنقه . مشنقه . مشنقه .
تكرر الهد على باقي الكراوين وتكررت العجايب

هذا اليوم الثاني لصيد الكراوين شايله واقول اليوم نبي مثل امس
http://www.mekshat.com/pix/upload01/...575_g1 (6).jpg
لقينا الحبارى الحمراء اخذها بدون تردد .. عزلنا منه وعلمنا بعض الطيور

هذي صور المعزولات .. شوفوا كبرها !!
http://www.mekshat.com/pix/upload01/...575_g1 (7).jpg

هذا صيده وصيد باقي الطيور . الخرب الكبير كان من نصيبه
http://www.mekshat.com/pix/upload01/...575_g1 (8).jpg