منتدى استراحات زايد - [للأهمية] لمن يعاني من ضعف العزم ولمبة التشييك (حساس نوك سنسر Knock Sensor )

السلام عليكم ورحمة الله وبركاته ..

حاب أطرح مشكلة كنت أعاني منها + الحل
لأني اتعذبت كثير مع المشكلة وخسرت اكثر .. حتى وجدت الحل
ولله الحمد وأبغى غيري يستفيد من هالمشكلة ..

كانت البداية عندما قمت بطرح موضوع في هذا المنتدى المبارك :
http://mekshat.com/vb/showthread.php?p=10340463

وفيه ردود للأخوان بارك الله فيهم ما قصروا .. قدموا معلومات جدًا قيّمة ومفيدة

طبعاً قبل أبدأ في وضع المشكلة سيارتي نوعها
كامري موديل 2002 4 سلندر

كان عندي مشكلة في العزم .. لما تكون السيارة باردة .. عزمها يكون ممتاز ماشاء الله
ولا عليها أي خلاف .. لكن لما تصير حارة يقل العزم بدرجة كبيرة ..
أو مو بالضرورة تسخن .. يعني لما ادعس لها ع الثاني حتى اعدي ستين بشوي تنتع السيارة
وتولع لمبة التشييك وتبدأ المعاناة مع العزم والتكتيم .

غيرت أسلاك بواجي + بواجي + صفاية بنزين + تنظيف بخاخات (بشكل خفيف)
غيرت حساسات الدعسة كاملة ( وتحسّن العزم لكن ضروري ادعس دعسة كاملة )
علشان تنطلق معي وهذا الشي ما ريحني بالمرة .

المهم بعد دخولي للمنتدى نصحوني كثير اني أشيك على حساس الـ KNOCK SENSOR - نوك سينسر .
وتذكرت وقتها اني سويت "فحص كمبيوتر للسيارة" وقال الميكانيكي "غير حساس العزم" وهو فعلاً كان صادق ..
بس ما قالي حساس النوك سينسر .. لأني رحت ابحث عن مسمى حساس عزم .. قالوا ما يعرفونه .. فلما قرأت في ورقة الفحص بعد ما بحثت عنها في السيارة حتى حصلتها تحت المراتب :D
لقيت فعلا مكتوب في الورقة " signal SENSOR - KNOCK SENSOR "
قلت خلاص بآخذه حتى لو طلع مو هو المشكلة .. واخذته من التشاليح مع واحد صاحبي بـ 40 ريال وركبته بـ 35 ريال (( علمًا أن سعره من الوكالة بـ 900 ريال)) :eek::eek::eek::eek:
الشركة نصابين ويضحكون علينا فعلاً .. احنا هنا مغلوب على امرنا والله يعين .

المهم ركبته وصارت السيارة فل الفل ولله الحمد .. وما عاد شفت لمبة التشييك الا مع السويتش :D

وسلامتكم يالربع