افزعولي ولعت لمبة الشروكي تفتفه وتقطيع
 

السلام عليكم ورحمة الله وبركاته

للتو اشتريت شروكي كلاسيك قير تماتيك موديل2000 سعودي وكنت ابخصصه للبر والمشاوير القريبة ابيه يخدمني وابي اريح سيارة العائلة

المهم بديت اصلح فيه تلاقيط

وكانت فيه شوي كتمه وشافه واحد وقالي من الدبة فيها طعج

رحت لراعي الكنداسات وشافها وقال لازم تتبدل وقال حط دبة مفرغة خفيفة للموتر وفيها شوي صوت

قلت يالله قال حقي 150 مع التلحيم

الخلاصة يوم لحم وركب قال شغل شغلت وطلعت لي لمبة المكينة وصار الموتر يقطع مو صافي تهاوشت انا وياه وراح جاب لي اثنين كهربائية قالوا شغلة التبديل مالها خص لأن الدبة مافيها حساس لانه سعودي قطيت عليه 100 وطلعت وكان زعلان
الموتر تجيه الشياطين اذا عشقت يتفتف ويقطع

وكان قبل تبديل هالدبة زي الحلاوة وصافي بس شوي كاتم

قريت في منتداكم الغالي عن تنظيف الثورتل والحساسات اللي معاه المهم نظفنا الحساسات وطفت اللمبة وصفى الموتر وضبط rpm واستانست وخليته يشتغل ربع ساعة

قلت ابي اخذ فره ومجرد اني عشقت ولعت اللمبة ورجع التقطيع والتفتفة

أصحاب الخبرة أفزعولي ماأبي اسلم لحية الموتر للعمالة المتعالمة