منتدى استراحات زايد - **** إستشاره لمن جرب زيت مكينه بترومين a1 ****

السلام عليكم ورحمة الله وبركاته
يا أخوان ودي أستشيركم في إستخدام الزيت اللي ذكرته بالعنوان وقبلها ودي أعطيكم معلومات وعلى ضوئها عطوني رأيكم
عندي يوكن سعودي موديل 2002 من فضل الله له معي قرابة العشر سنوات وماشي 360 ألف والمكينه بحمد الله تمام
من يوم شريته وأنا أغير له زيت 10w30 ولي فتره أفكر أغير إلى بترومين A1 5w30 وهو اللزوجه المفضله في كتلوج سيارتي ولكن متردد
بسبب خوفي من نقص الزيت مع الإستخدام بحكم إن السياره ماشيه كثير بمعنى ماودي أشيك عليه بعد 3000 كيلو مثلا والاقيه ناقص علبه او حولها
الزيت الحالي ينقص من نص علبه إلى علبه إلا ربع كل خمسه آلاف كيلو
فإن كان فيكم أحد عنده سياره مشت كثير وهالأيام قاعد يغير لها 5w30 بصرف النظر عن النوع يذكر لنا تجربته
أحتاج رأي مجرب أكثر من كلام تخمين على ضوء جودة الزيت لأن الزيت جيد ولكن السياره ماشيه كثير
وسلامتكم جميعا