|
أحتاجكم بموضوعي ... لاتبخلون علي برأيكم..مسافر ومتورط !!! بداية أحييكم قبل لاتشاركون بموضوعي لأني ادري إنكم راح تشاركون من منطلق الاخوة والصداقة اللي بيننا في هالمنتدى الراقي , وتدرون إني مثل أي واحد منكم مشارك بأكثر من منتدى , ولكن ثقتي بالمنتدى وبكم خلتني أدرج موضوعي هنا وبدون تردد .. أخواني ماوي أطول عليكم وتملون من قراءة موضوعي اللي ينحنى تحت إطار الخصوصية والفائدة من طرف واحد (إحس إني كثرت فلفسة شوي ) :o بس تحملوني شوووي تخبرون خويكم عليمي ببعض مناطق المملكة الغالية وهالسنة ودنا نصيف مع الناس ونتبرد وننحاش من قدور الضغط (التيفالي) الله يكفينا شر النار وسفرتي هالسنة ماهي طويلة بالحيل بس ودي أطلع من الرياض إلى الطائف ومن ثم إلى الباحة والرجوع إلى الرياض في مدة تتراوح من أسبوع إلى عشرة أيام .. وأتمنى من الشباب اللي راحو بنفس تخطيطي ومروا بالمناطق اللي ذكرت يفزعون لي ويعلموني كل شئ (أخوكم طماع شوي)من خط سير الرحلة والطرق الزينة والشقق المناسبة والمنتجعات(حلوة منتجعات)الرايقة في الطائف والباحة والطرق اللي مو زينة علشان نتفاداها وكلللللللل شئئئئئئئ :type: ,, ترا رحلتي المكوكية راح تبدا السبت القادم 4/7/1430 وأنتظر ردودكم بفارغ الصبر علشان اخطط وأتكتك للرحلة بناءا على ردودكم المتكتكه .. وترا إذا مارديتو على موضوعي راح أسافر وأي شئ يصير لي بذمتكم (شين وقوي عين) وإذا سمعتوا عن عائلة مفقودة بالهدا أو مختطفة من قبل قبيلة عريقة من القرود تراه خويكم ابو سامي وكل شئ صار لأنكم مارديتو (ماتلاحظون إني طولت السالفة وهي قصيرة )بس يعلم الله إني أحبكم في الله:heart: وأحب ألاطفكم من خلال كيبوردي اللي نص أزاره مفقودة وممسوحة هااااااااااااه تبون تردون وألا أمشي !!!!:burnout2: نهاية المطاف لكم مني خالص التحية ممزوجة بالطف عبارات التقدير والثناء وأنتظر جميع ردودكم وهي تعبر لي معنى الأخوة بحق أترككم بحفظ الرحمن وانتظروا تقريري القادم عن هذه الرحلة تصبحون على الف خير وتمسون على مثله :heart: |
| الساعة الآن 07:15 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir