منتدى استراحات زايد - وقر العالم وتلقالك وقار

قل لبو نواف ما فيها عذار انتوينا بالسنافي للمسير كان ابو نايف تحصل له مدار دوره والا دفعنا له بشير قل لبن عون الوعد تالي النهار بالمثلث لا يسج والا يحير اعتجل يوم الهوا ذعذع ودار ترك الراضه وعذر فيه مير كان عندك بالبنا تالي جدار اجله والعيد مافيه اتعمير يم ابوسلطان عزم الفكر دار يم غيره لا تقول ولا تشير خلهن يمشن من الديره لدار المواتر صافيه والدرب جير مثل ابو سلطان له حق يزار جيته بالعيد مظهرها كبير سجة عنده تزيد بها العمار يدله الخاطر ويرتاح الضمير في محل كد جلسنا به مرار مدهل الحكام والزاعل عثير مجلس يؤخذ بعين الاعتبار صاحبه يا عز من هو له عشير دلة فيها من الحبشي بهار ومنسف يشبع ضيوفه والقصير نادر له نطحت الموجب شعار فاهم بالمرجله در غزير مالبس ثوب الشهامه مستعار وارث طيبه من الوجه السفير احمد اللي له تواريخ قرار بالكرم وبسلة السيف الشقير انشد التاريخ يعطيك اختبار عن تواريخ السديري بتعبير اقر ديوان الخليفه كان دار شف مقاله عنه بالخط الاخير شف مراكيضه على قب الهمار يوم سفك الدم غاد له هدير كان ابو سلطان همساته كبار تابع عود على دربه يسير والعلوم كبار واحلاها القصار زبدة الموضوع وأحلاه القصير ما بنيت الملحمه بيت جدار كود ناسبها على فعل شهير كان المعروف هالوقت اشتهار السديري مع هل الجود خشير مابنا السمعه على ملس العذار مابناها الا على فعل ثمير انشد اللي سمع بفعول الكبار نور الاول يقتبس منه الاخير يوم وقتي عقب ابو زيد استدار اجتبرت بحابر العظم الكسير شمت اللي فيه خصلات اخيار الذكاوالدين والعرض الستير

ربعة الطيب تنسيك الحقير افهم الطيب الخنيني من البخار يوم فاح المسك شميت العبير قالها اللي له بعرف الناس كار يفهم البشر طويل من القصير الرجال طيور توصف للحرار كل طير في جناحينه يطير وين طير بحتريله كل جار وين طير مايصيد الا الشعير لو تقول ان الشجاعه بالطيار كان فضلنا القطاه بما يصير وين طير وان هوى شق الستار وين طير يذعره صوت الصفير النداوي له على الصيد اقتدار والحمامه بالمحل وتستدير وان جهلت الزين والجنس والدمار انشد اللي في معرفتهن خبير اخذلك مني كلام باختصار فرق بين الصفوف من سلك الحرير فرق بين الحب وانخال الشوار اصلهن واحد لشك الذوق غير ربعة الطيب تزيدك بانتصار ترفعك رفع العمد بيت نظير والردي عرفه مثل بير هيار تنقبر فيها ويدفنك الحقير حقة الطيب تجيك من الفقار والردي يعطيك كرسوع البعير لا ترابع واحد بالعهد بار وان وفى له مره خيره كثير التجارب خلها لك مستشار لا تبي غير التجارب لك شوير لا تجي مدخل يدينه بالخبار ما لقى صيدة لقا داب ضرير والرجال ابهم فهد وابهم حمار وانت فكر بالفهود من الحمير وانت في دورك عليك الدور دار لا تحسب انك مخلا يا الفقير وقر العالم وتلقى لك وقار وان حقر حقرت لوك ان الامير والشرف لا يستوي فيه انهيار الشرفهو مقضب السيف الشطير والقناعه مرجله والضعف عار واطلب النجده من الوالي القدير لا تجي للناس طلباتك اكثار كل ديوان تجي يمه مغير ما خبرنا باهل الشجاعه تجار غير فقره كل نفس له تعير خل عز النفس للعوره ستار لو فراشك في طرف بيتك حصير وانت للعودة من الله بانتظار واحد ماله وكيل ولا مدير مدة الله تمتلي منها النقار تجعل الغدران بالملزم تحير يجعل الوادي مريف بالخضار عقب ماهو يابس قشعه هشير الكريم معان والفارس مجار مدي الواجب ونطاح الذخير الغنا بالذل مذموم مرار والفقير بالعز لامجادك يثير طربة الدنيا مثل لعب القمار لو جمعت المال شفت تالي المصير لو جمعت من الذهب حمل القطار عند نزح الروح ما انتب له دبير صار بين الوارثين بلا مثار ينعزل حق الكبير من الصغير وانت حقك خامة عشرين وار ذيك هي حقك ولا فيها خشير فصلوا منها الكفن هو والوزار اقرشوبك يم مثواك الاخير واسدحوك بحفرة في وسط غار يطردك منكر وقدامك نكير واهني اللي مشي طلق الشكار سالم من ظلم عمر ومن عمير لوه بالدنيا بحلات اعسار يرتجي بالاخره فرحة نظير من رحمة الله وقلبن العذار رحمة الله تغفر الذنب الخطير والاثيم من الصراط اقرش وعار ان سلم من ويل طاح بزمهرير الهي كان ما في اقتدار التجي في رحمتك وانت المجير الشباب اقفى وانا باخر نهار