منتدى استراحات زايد - حل لمشكلة برود مكينة الشاص الجديده بنفود

السلام عليكم ورحمة الله وبركاته

اللهم صلي وسلم على سيدنا ونبينا محمد ..

مثل ماهو واضح من العنوان يا اخواني حل لمشكلة برود الشاص من 2010 الى 2014في النفود (الطعوس)

البعض يسأل ليه الشاص من 2010 الى 2014 يبرد بنمره (2) بنفود ؟

طلعت اقوال كثيره يقال فيها ان المكينة السبب في البرود لاكن هذا ماهوب السبب

السبب:

ان الشاص من 2009 وتحت شكمانه يجي شابك بالمكينة من الجهة اليسار بس

اما الشاص 2010 وفوق يجي شكمانه شابك بالمكينه من الجهتين اليمين واليسار

في هذي الحالة تكثر الشخالات بشاص الجديد وعددها 4 شخالات مما يودي لقلة الهواء الي يخرج من المكينة وتكتم وتبرد

اما من 2009 وتحت الشخالات الي فيه واحد تقريبا يقدر الهواء يمر بها ماهو مثل الشاص الجديد الهوا يمر بـ4 شخالات

وهذا الفرق البسيط الي يخلي الشاص الجديد يبرد بنمره (2) بنفود

الحل: بسيط جدا ما يكلفك 150 ريال بالكثير

اقرب محل شكامين ادخل عنده وقله ابيك تفرغ الشخالات الاربع كلها يقص لك الشخال ويكسر الجبس الي فيه ثم يلحمه ثانيه لاكن انتبه للحام خله يلحمه زين لا يجي عندك تنسيم

((بيجي فرق بسيط بصوت الموتر لاكن موترك بتحس ان مكينتة مرتاحه والهواء يطلع بسرعه ))

وش فايدة الشخالات (دبة التلوث) ؟

الفايده: حطتها الوكالة علشان الكربون الي طالع ما يلوث البيئة

الي ممكن تسببه الشخالات للموترك :

1)تحس ان الموتر مكتوم تدعس له مايجي

2) اذا انسدت الشخالات وما عاد قدر الهواء يطلع تنفقع المكينة وهذا الكلام اكده لي ميكانيكي سعودي يوم دخلت وسالت شاص 2011 مفكوكه مكينتة ليه قالي الشخالات انسدت عنده وما عاد طلع الهواء من المكينه وخبطت مكينته

الحق والا ما تلحق ع مكينة مورتك ;)

اتمنى اني افدتكم,

واي استفتسار انا جاهز وبرسم الخدمة :)

الي ابيه منكم بس دعوة صادقه