منتدى استراحات زايد - بطل الدروب + يايات استراليه = وجع راس

بسم الله الرحمن الرحيم

السلام عليكم ورحمة الله وبركاته

قمت بالاتصال بمحل العجلات الاربعة لاني خارج الرياض وكلمته بخصوص اليايات والمساعدات الخلفية المناسبة لسيارتي بطل الدروب وقال لي بأن جميع الزباين اللي مثل سيارتي يشترون هذا النوع ويمدحونه وهي اليايات الزرقا وبأنها ترفعه اربعه سم.
استلمتها بعد يومين وبعد التركيب لاحظت الارتفاع زايد حبتين يعني تقريبا 7سم. المهم السياره ماتنزل من المطب الا بتفحيطه وصوت صرصره الكفرات علي الخط شبه متواصل.
الكفرات صارت داخله علي بعض من تحت يعني ميلان للداخل من الاسفل ورحت اليوم لميزان وحاول فيها وعلى كلامه ان هذي اخر حد للميزانيه والكفرات تغيرت للافضل شي بسط.
والاهم انه قال العكوس عندك مايله من ميلة الكفر وراح تفرط الرمان اللي بالداخل ولازم تشوف حل لها لانها لابد انا تكون مستقيمه .

السوال يا اخوان هل هي فعلا تخرب العكوس.

هل فيه احد ركب نفس النوع وصار مثل اللي حصل معي.

عطوني نصايح ولا تبخلون هل اقص من الياي او تليين بالنار مع ان فيه ناس قال تللين ينكسر مع الوقت