منتدى استراحات زايد - ظلموني ساهر وجاتني مخالفة 500 وانا مالي دخل

السلام عليكم ورحمة الله وبركاته

أسعد الله مساكم

ياشباب انا يوم الثلاثاء ( 3 صفر) الصباح الساعة 11 , كنت طالع من الدوام وماشي في الدائري بسرعة [ 60 كم ] , طفشان ومو فايق لأحد بعد الدوام , والسرعة في الشارع [ 110 كم ]

وأنا ماشي في المسار الوسط , ويمر من جنبي اليسار ألنترا بسرعة 140 تقريبا ويكشح فلاش ساهر في وجهي . طبعا كنت موازي لراعي الألنترا لما لقطه , فأنا قلت في نفسي اني الحين مغطي عليه انا وأخاف الموظف يحسبني انا المسرع ومايشوف راعي الألنترا

لكن قلت ان شاء الله مايجيني شي لأني ماشي 60

ثاني يوم جاتني رسالة تم تسجيل مخالف مرورية رصد آلي تجاوز السرعة فوق 25 كم , وسعر المخالفة 500 ريال

أنا انصدمت قسم بالله

رحت للمرور ورحت لقسم ساهر , قلت له ابغى أعترض على مخالفة , واعطيته رقم المخالفة , وشاف الجهاز وطلع الصورة وقال لي هذا مو انت ؟ قلت له ايه , لكن انا ماشي 60 ومر من جنبي واحد مسرع

قال لي تعال يوم الاحد وكلم موظف ساهر لانه الان مو موجود , وقال لي عموما كيف تثبت للموظف , لكن جرب

مع العلم السيارة اشتريتها يوم الأحد وقسم بالله ماعديت فيها سرعة 100

وش الحل والله ظلم و 500 ريال مو قليلة

المكافاة توي اخذتها 800 وراحت منها 500 بقي لي 200 الله لايوفقهم

تكفون اللي يقدر يفيدني لا يقصر