مشكلة غريبه في سيارتي مالقيت لها حل
 

السلام عليكم ورحمة الله وبركاتة

وحيالله كلن بإسمه

قبل اسبوع وقف الموتر فجاءه وانا ماشي في طريق الملك فهد . وقف شوي ثمن شغلت ومشى عادي ما كان فيه شي بعدها بكم ساعه نفس الشي ! ولا فيه أي مسج او لمبه تحذير ! المهم من بكرا صارت نفس المشكله بالاضافه الى الدعسه صارت ثقيله واذا دعست عليها ماتستجيب الدعسه كأنها مكتومه احيانا بعد ثلاث اربع دعسات ترجع طبيعي واحيانا تطفي السياره ! واحيانا اذا رفعت رجلي عن البنزين يدعس بالحاله !!

فحصتها كمبيوتر عند القحطاني في صناعية ام الحمام قالوا مافيها شي احتمال طرمبة البنزين . رحت لمحل ثاني برضوا قال مافيها شي واحتمال طرمبة البنزين رحت لورشة في المصيف اتعامل معهم طبعا ماعندهم فحص كمبيوتر وقالي خلنا ننظف الثروتل ونغير صفاية البنزين وغيرها ونفس المشكله قال اجل شكلها طرمبة البنزبن قلت غيرها خلنا نخلص من هالسالفه المهم غيرها وبعد يوم رجعت نفس المشكله بس بعدها طلعت لي علامة المفك . قلت خلني اوديها للوكالة هم ابخص بسيارتهم . المهم وديتها للوكالة وجلتس عندهم ثلاث ايام واخرتها يقولون ماندري بالضبط وش السالفه لكن بنغير لك الظفيره وحساس الثروتل وشغله ثلاثه مدري وشهي واذا مانفع غيرنا لك الكمبيوتر !! يعني صارت سيارتي حقل تجارب لهم وعلى حسابي !! المهم طلعتها من عندهم ثم بحث في النت عن كهربائي ممتاز اكثرهم قالوا الجابري في الصناعية القديمه وديتها امس واليوم يقول تعال خذ سيارتك ماندري وش المشكله !! ابروح اخذ السياره منهم ولا ادري وين ابوديها من جد باحلن بها ولا ودي احد يلعب في السياره واستنزاف فلوس على غير سنع .

واحد من الشباب قال اعرض مشكلتك على الاخوان في مكشات وان شاءالله راح يفيدونك

فـ هل احد عنده خبره في هالنوع من المشاكل
او مرت عليه هالمشكله
او يعرف فني ممتاز في هالامور

فزعتكم الله يحرم وجيهكم عن النار

يحفظكم ربي

السياره فورد اكسبلورر 2008