منتدى استراحات زايد - قنعت من دار(ن) بها الرزق مقطوع

قصيــده لـ مصيبيح بن متعب بن قويــد نخص بها منتدانــا الغالي

قنعت من دار(ن) بها الرزق مقطـوع .. اسـتـغـفــر الله لا تــســجــل عــلــيّــه
لوكان حـب الـدار فـي القلـب منقـوع .. ماعـاد لــه فــي داخــل القـلـب خـيّـه
مـادام منـهـا مــاش مافـيـه قـرطـوع .. شـحّـت علـيّـه فــى العـطـا والعطـيّـه
صحيح ماني في خلا ميّت(ن) جوع .. لـكـن عـايـش فــي حـيـاة(ن) شقـيّـه
كـل ماعدلـنـا ميلـهـا جـاتـك ارجــوع .. زادت عـلــى الـكـيّــه ثـمـانـيـن كــيّــه
حـتّــيــش لـونــهــا بـسـاتـيــن وزروع .. مــاعــاد نبـغـيـهـا قـنـعـنــا يـاخــيّــه
لاصـار مـالـي فــي مناكيـبـه فــروع .. اعـيـفـهـا يـالايــمــي مـــــن عـشــيّــه
دجنابهـا مـن عـاد ماجـالـك ضـلـوع .. سجّيـتـهـا مـــن عــــاد تــــوك بــزيّــه
يـامــا خذيـنـاهـا مـحـاديـر وطـلــوع .. مــن حـدّهـا الـــى حـدّهــا ياسـمـيّـه
دجنـابـهـا والـيــوم يـاخــي مـوجــوع .. الـنـاس فــي يـمّـه ونــا فـــي نـحـيّـه
اوّل مـن الهـوجـاس والـهـم مقـطـوع .. مرتـاح مــع نفـسـي ضلـوعـي قـويّـه
لادكّ بـي هـوجـاس لــو انــه جـمـوع .. اصــــدّ غــاراتــه ونـفـســي شـلــيــه
ماطـيـح لــو يطـيـح عــدوان وربـــوع .. لي وقفـة(ن) تكفـي مـن النـاس ميّـه
لـكـن عـقـب الـيـوم يـاخـي مـصـدوع .. جـســم (ن) بـلـيّـا روح فــيّــه وفــيّــه
لوأكشـف المغلـوق يبغـى لـك أسبـوع .. مــن شــان تفـهـم علّـتـي والقـضـيّـه
لــكـــن دون الـعــلــم بـيــبــان ودروع .. خلـهـا يـابـن عـمّـي نـخــاف الـبـريّـه
اخاف شمّات(ن) من النـاس مقلـوع .. يــفـــرح عـلـيـنــا لادرى بـالـقـصـيّــه
لكـن بسجّـل لـك مـن العلـم موضـوع .. يكفـيـك عــن شــرح العـلـوم الخـفـيّـه
ان كـان ودّك تـاخـذ العـلـم مسـمـوع .. باعطيـك واحـد وإحتـزم فـى البقـيّـه
وان كان شرح العلم للنـاس مشـروع .. الله وكــيـــلـــك لاتــســـتّـــر عــلـــيّـــه
تـرى سميّـك عـاف داره يبـي يــزوع .. مـاعــاد لـــه فـيـهـا مــــزاج وهــويّــه
قنعان من دار(ن) بها الرزق مقطوع .. واسـتـغـفــر الله مـاتـسـجــل عـلــيّــه