ياشباب الامارات...
 

السلام عليكم ورحمة الله وبركاته
مساكم الله بالخير جميع يااخوان...
أولا الله يسقي البلاد والعباد بخيراته سبحانه والله يجعلها عامه على بلادنا وبلاد المسلمين جميع ..
اخواني انا طلعت في انتداب مع العمل في الامارات لمدة اربعه شهور يعني هالشتويه بديار زايد سقاها السيل المهم وصلت من أسبوعين أبوظبي ومااعرف وين اتمشى انا ماانا براعي مولات والاأسواق احب الطلعات البريه والتكشت وصراحة ماادري وين اروح في ابوظبي اودبي او أي اماره انا ماعندي مشكله بس وين أتوجه الأماكن الزينه ابغى والي فيه التجمعات...
ه>ا الشي الأول
الشيء الثاني
قلطت عند واحد من الاخوان في العمل من هل العين وتقهويت عنده وصراحة قهوته تختلف عن قهوتنا تماما لا بالطعم والا باللون ولا بالرايحه طعمها تقل كان فيها حلى شوي ولونها بني غامق مره وخفيفه بالحيل فاابي اعرف وش نوع القهوه الاماراتيه ووشلون يزينونها.....


الشي الثالث
وين احصل الأماكن الي تبيع أغراض ومستلزمات البر في الامارات ابوظبي او دبي او العين او أي مكان انا قصدي مثل السنيدي وبرق الحيا عندنا...

واشكر الجميع واسف ع الاطاله لمن مر على موضوعي...
أخوكم أبوشهد