|
سالفة العروسه مع العريس صباح الخير والرضي للجميع مقدمه بسيطه جيل هاالزمن أختلف كثيرآ عن الجيل اللي قبل 20 سنه مدة قرببة أعتبرها بس ولله الحمد الصلاة والأخلاق والاحترام موجود عندهم وهذا والله أنه زبدة وفأئده الحياة السالفه انه فيه رجال عزم وتوكل على الله أنه يعرس وبلغ الله انهم يدورن له بنت الحلال ومؤدبه وعلى خلق ودين وشدد على أهله انه راعيه بيت وسنعه وقرمه المهم الأم والخوات صاروا شعله من نار لانه أول وأحد يعرس من الاولاد وطافين فيه خخخخخ المهم بعد بحث وتحري وصولات وجولات وجدوا البنت اللي ممدوحه لهم تقدم الاب والأبن وخطبوا سندريلا وبعد اللي انتم خابرينه من نشده وسوأل عن فارس الاحلام طلع رجال ومظبوط خلقآ ودينآ ولله الحمد فاصل ونواصل بعض الأسر هداهم الله يسالون عن الخاطب كم راتبه وش عنده من فلوس وأمور ماديه ماانزل الله بها من سلطان وهذا للأسف سبب طلاق كثير من البنات لايسالون عند دين وخلق ولا شوا من رجال البنات صاروا يتفأخرون باالعريس المريش خخخخ والغني نعود لمعرسنا البطل الهمام المهم حددوا موعد العرس وتم ولله الحمد وسافروا لشهر الدبس هههه قصدي العسل العريس متحمس وده يرجع للبيته ويشوف العروسه وطبخه الزين اللى يهبل رجعوا الديار ورجع لبيته واول شي سواه قال للعروسه اكتبي طلبات البيت علشان اجيبهن كتبتهن وجابهن باالليل الرجل اصبح وراح للدوم ومستعج يرجع يبي يشوف كيف المدام باالطبخ والنفخ مادري الضعيف باالمصير المجهول والدمار اللي يبي يصير 😎😎 جاك الموت ياتآرك الصلاة 😪😪 المهم شمرت على ساعديه 💪 وصلحت ذآك السليق اللي يحبه قلوبكم الطيبه 👍 الرجال اكلت وانبسط وفرح اشد الفرحه انه خوش حرمه وسنعه طيب اصبر على رزقك لاتستعجل جاء اليوم الثاني وتفاجى باالغداء انه سليق 😳😳 قدم له العذر ومشاها اليوم الثالث نفس الحكايه والروايه سليق الرجال جاه انفصام باالشخصيه ياحرمه يامره مايصير اليوم سليق اعتذرت وقالت ابشر ابشر مايصير خاطرك الا طيب كلمه وقال مايصير ومن هاالكلام وزعل عليه وهددها قال ماابي سليق لمدة سنة باالبيت 💪 رح للدوم وهو على اعصابه يحتري من يرجع ويشوف وش الطبخه اللي سوت له دخل البيت وهو على اعصابه وعلى طول للمطبخ فتح القدر وليته مافتحت 😭😭😭 وش تتوقعون حصل باالقدر أكله جديده أكله غريبه أكله تدسم الشوارب اكل خرافيه أكله كان حاس قلبه ومتوقع يشوفها انهوا السليق يامعشر الأعضاء 😣😣 وغضب الأسد الثائر والحائر والخيبان بتفس الوقت ياحرمه ياحرمه ايش هذا وشوا هذا ايش كلمتك طيب اصبر وخلنا نتفاهم هذا هذا هذا ايه ايش هذا قولي خلصي علينا هذا سلقلق ايه نعم سلقلق يختلف شوي عن السليق باالمكونات خخخخخخ اقول اقول أنتي طلقلق طلقلق باالثلاث خخخخخخ😁😁 عاد ياأخوات السالفه صدق كذب نكته الله أعلم اهم شي أنه تحوز على اعجابكم والعذر والسموحه أن كان زأد او نقص البهار شوي خخخخخ محبكم ابو محمد تراي احب السليق بس ماهب كل يوم والحمدلله على نعمة الكثيره |
| الساعة الآن 05:57 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir