افزعوا يا أهل الخبره (باترول 97)
 

سلام عليكم ورحمة الله و بركاته
اخواني اعضاء منتديات مكشات , اسعد الله مساكم بكل خير ,,.

اخواني ابيكم تفزعون لي باللي تشورون به , انا معي باترول موديل 97 ,
السيارة على يد الوالد من الوكالة و انا صراحة معجب بالسيارة ذي ولا يمكن اتخلى عنها , لكن قدر الله و سجلت في جامعة الملك خالد في ابها و المنطقه هنا بارده و الجيب معي و كربريتر صار يصرف بنزين اكثر و عزمه صار اضعف من اول , سالت كذا واحد معي بالجامعة يقول ركب مكينة لكزس لكن القير ما بيتحمل , واللي يقول ركب مكينة كابرس , واللي يقول ركب ابره كربريتر صغيره ,, طبعا ماعندي ذيك الخبره في المكانيكا و شغلات السيارات ,


السياره صراحة مافيها عيب الا عزمها صار اضعف ( بالمنطقة البارد ) لمى انزل الى تهامه يرجع عزمها ممتاز , و البنزين شهريا 300 ريال للبنزين ,

فأللي عنده حل لهالمشكلة ياريت يطرح لي فائدته
و ايش تنصحوني اسوي ,

والله يجزاكم كل خير .