|
تطبيقي لكيكة البقدونس من الأخت (Oriana ) الكيكة الخضراء كيكة البقدونس اخذت الطريقة من اخت عزيزة وطبقتها اليوم وايد روعة وعجيبة وخفيفة ولونها عجيب المقادير: نصف كوب جزر مبشور نصف كوب بقدونس مفروم نصف كوب زيت نصف كوب حليب نيدو بودرة ( اني حطيت نصف كأس حليب سائل طازج ) 3 أرباع كوب سكر 3 بيضات ملعقة فانيلا ملعقة بكنج بودر 3 أرباع كوب طحين الطريقة: في خلاط العصير تخلط جميع المقادير ما عدا الطحين والبكنج بودر ثم نضع الخليط في وعاء ونضيف عليه الطحين والبكنج بودر ويصب الخليط في قالب مدهون بالزيت وندخله الفرن ونزينه بالتوفي طريقة التوفي نضع فنجان ( 5 ملاعق سكر ) على النار لما يذوب السكر ويصبح لونه اشقر نضيف علبة قيمر الكيكة وهي في الفرن التوفي وهو يطبخ الكيكة توها طالعة من الفرن شوف لونها اخضررررررررر هني حطيت التوفي على الكيكة العجيبة هذه صورة ثانية للكيكة وعليها التوفي بعدها حطيتها في الثلاجة شنو رايكم في كيكتي مع ان القالب كبير الا شوفو شكثر مرتفعة هذا دليل على انها هشة وخفيفة هذه خليتها لكم مشكورة عزيزتي اوريانا على هذه الوصفة انا شفتها من زمان في النت وشفت طريقة كيكة ( القرع - الكوسا -0 النعناع وووو ) بس ما مرة فكرت اسوي الإ كيكة الجزر والموز والتمر بس بس مادري ليش عزمت وسويتها على فكرة هذه بتاريخ 8/5 /2009 م بس خليتها بمنتديات ثانية لان ضيعت رقم الدخول بالملتقى ههههههه توني طلعته وقلت لازم اخلي تطبيقي هني |
| الساعة الآن 04:52 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir