منتدى استراحات زايد - إهــداء إلى الشاعر الكبير خليل إبراهيم الشبرمــي التــميمي

[align=center]السلام عليكم ورحمه الله وبركاته ،،

هذه القصائد إهداء للشاعر إبراهيم الشبرمي التميمي ،،

من ابن العم عبدالله القزلان التميمي ،،[/align]

[align=right](1) قصيدة ســــلام وتحيه ؛[/align]

[align=right]على خليل الشبرمي ردوا سلام
تحيةٍ يطرب لها سالم سليم
في شاعر المليون شارك يا الهمام
ادحم وخلك مثل ما قالوا هميم
انا اعرفك شاعر وبالموقف تمام
اصهل وخلك بالنيابه عن تميم
ادحم على البيرق مع رجالٍ كرام
والسابقة تسبق مع الرجل الكريم
شرواك يا الطيّب نلبسه الوسام
تاجٍ على راسه من الماسه وسيم
اقبل تحية واحدٍ شافك وقام
ونحب خشم الضيف عاده من قديم
يا وِلْد عمي وانت من ربعٍ حشام
انشهد انك عندنا رجلٍ حشيم
لا شفت في قافي تواصيف الهدام
وده على الترميم لبيوت الهديم
اسلم وسلمني على هاك المقام
نجم النجوم اللي على الدوحه مقيم[/align]

[align=right](2) قصيدة بمناسبة مشاركته في برنامج شاعر المليون ؛[/align]

[align=right]احمد الله عن اللابه تقدم وناب
شاعرٍ للقوافي يشهد الله طبيب
يا نجوم القوافي يا لبعاد القراب
جاك عنّا يشارك بالنيابه قريب
شاركوا بالنيابه عن تميم الذياب
فيك يا شاعر المليون والذيب ذيب
جاك حرٍ لبيب وتو عمره شباب
جاك عنا خليل الشبرمي اللبيب
شاعرٍ من سِميره غرب هاك الهضاب
من تميم العربيه من وهيب العريب
جاك عنا يسوق القاف سوق الركاب
صوب شاطيك يالراحه عليه النجيب
فارسٍ عاصبٍ راسه بحبل العصاب
ضاريٍ للمواجه والمواجه عصيب
فوق بير القوافي واقفٍ ما يهاب
يمتح القاف كنّه فوق جال القليب
يزعج الصوت صوته مثل صوت الرباب
لا سحبه العقيدي جر صوت السِّبيب
لا سمعته يهل القاف هل السحاب
لين يمشي على ما قيل مثل الشعيب
ساق دلوه على الجمّه وبالعون جاب
جاب دلوٍ قراح يوم ربك يجيب
يشهد اللي يعرف المخطيه والصواب
انه الشاعر اللي بإذن ربي مصيب
جاك قافي ينوب وحاضرٍ ما يغاب
ان زهمته لقيته حاضرٍ ما يغيب
الله انه يعينك يوم فصل الخطاب
تاخذ البيرق اللي جيت لاجله خطيب
ان حصل تاخذ البيرق طويل النصاب
وان تعذر نقول الحظ عيّا يصيب
لو سألتك عن البيرق تقول الجواب
جيت لاجل القوافي يالسؤال العجيب
وانت شاعر كبير وفيك تسعين باب
ما يهمك مع البيرق يصيب ويخيب
تالي الليل ندعي والدعاء يستجاب
يا لله انك تجيب وللدعاء تستجيب
اقبل القاف مني يوم طرّف وشاب
واعذر اللي مقصر يالبعيد القريب [/align]

[align=center]،، يستاهل أبو أديب ،،

،، واعذروني على الإطاله ،،

،، تحياتي لكـــــم ،،

* منقول *[/align]:ast7eee: