منتدى استراحات زايد - مشكلة طرمبة الزيت مع كل تغيير زيت في الجمس حيرت المهندسين .... أين خبراء مكشات

السلام عليكم
الله يعطيكم ألف عافيه عطوني حل سريع و نافع لا هنتم

شريت سيارة افالانش شيفرولية امريكي موديل 2007 ماشي 300 الف كيلو كان فيه صوت صباب خفيفه طقطقة و ضغط الزيت اوكي بالنص .... قالوا اغسل المكينة علشان ينظف مجرى الزيت و يمكن يروح الصوت .. غسلت المكينة بزيت الغسيل جالون بلاستيك أصفر و غيرت زيت 10-30 Ac Delco و مباشرة نزل ضغط الزيت الى الربع

غيرت الربلة حقت الطرمبة اصلية مع زيت و سيفون و الحمد لله الضغط في النص
بعد 6000 كيلو ممشى غيرت زيت مع سيفون كاسترول و نزل الضغط الى الربع
قلنا يمكن الطرمبة تعبانه و متوسعة غيرت طرمبة اصلية من با عاصم ضغط عالي مع ربلة .. مشى الحال
بعد ممشى 5500 كيلو تم تغيير الزيت بدون سيفون و للمرة الثالثة نزل ضغط الزيت الى الربع

انهبلت يا جماعة خصوصا اني متعقد من الامريكي في جمس 2000 غيرت له 3 طرمبات زيت

عموما الآن الموتر اذا كان بارد بداية التشغيل فوق النص و بعد ممشى قليل اذا واقف يصير بالنص و إذا سخن مع الوقوف ينزل الى الربع.

يعني الحساس ما عنده مشكلة

السؤال ايش علاقة تغيير الزيت بنزول الضغط بشكل مباشر و ليس تدريجي؟؟؟؟

مشكلة كبيرة و محيرة و مكلفة

بصراحة طرمبة الزيت في الجمس من موديل 2000 و فوق مشكلة كبرى لم تحل و لا نعلم سبب هذا التجاهل من قبل شركة GM

عطوني حل دقيق و فعال يا اخوان
جد تعبت و مليت من الموتر و صرت افكر اني ما اغير زيت و اكتفي بزيادته كل ما نقص طالما مافيه حل او شنهو رايكم؟؟؟

عذرا على الإطالة و في القلب أكثر

انتظر حلولكم و ردودكم الله لا يحرمنا منكم