مشكله فالفتك تقطيييع
 

ياخوان الفزعه
معي باترول فتك 2008 تماتيك ثلاث سنوات معي ماشاءالله تبارك الله ماشتكى من شي.
بدأت قصتي قبل شهر من جده قمت الصباح وادق على السياره ماتشتغل! طبعن تدق زي الحلاوه بس ماتشتغل
وعلى طول وديتها الى وكالة العيسى وليتني ماوديتها شيكو عليها قالو عندك أسلاك اللي من الضفيره الى طرمبة البنزين محترقه قلت حلو اهم شي لقيتو المشكله وغيرولي الاسلاك وشغلو السياره والحساب 800ريال
وطلعت مبسوووط وعلى طول سافرت الى الرياض بحكم سكني فالرياض وانا ماشي اشم ريحت بنزين على طول . المهم مالكم بالطويله بعد 10 ايام وفي الصباح ادق على السياره نفس المشكله اللي قبل ماتشتغل!!
ياليل الليل! قلت هذا وانا مصلح عند الوكاله ! قلت مالها الا كهربائي عندنا يمدحونه وقلتله وش حصل معي ومع الوكاله المهم شاف الموتر وقال انت متاكد ان هذا شغل الوكاله؟
قلت اي ليه!!!!
قال هذا ورشه وواحدتوه يتعلم كهرب !!
عندك الكتاوت حق الطرمبه مكسور وموصل له سلك دايركت للطرمبه واسلاك الطرمبه ماغيروها ولا شي (طبعن الفاتوره حقت تصليح الوكاله مابين اي قطع غيار.بس قيام بتشغيل السياره )

المهم شغل السياره وركب الكتاوت والموتر اخذ 7ايام بعدين جات مشكله ثانيه وانا امشي يقطع ماتعدى 40 السرعه واعبي فل بنزين يمشي 120 وبعدين يبدا يقطع ورجعنا للكهربائي وقالي طرمبة بنزين وشرينا طرمبه بنزين وركبها وصار الموتر حلو بس فيه اول ماتدعس تحس انه يكتم شوي ولا يجيب طبلونه زي اول (ترى مانيب راعي سرعه بس قلت اجرب ممشاه)و اسف على الاطاله.

افيدوووني ياهل الخبره لااااهنتو