منتدى استراحات زايد

اخواني حبيت اشاركم بها الابيات اللي كتبتها عن قصة حقيقة حدثت لي في احد المنتديات المختصة بتربية الحلال

سويت لي عزبه من العام فالبر
لأجل اتسلى واغيره جو الافكار

زرعت فيها النبت في موسم الحر
تميت خمس شهور والنبت ما ثار

بنيت لي غرفة من الخوص الاخضر
وكم من عريش وصار للغرفة ايدار

حوطت بالاسيام والشاش الاصفر
ودعون للضيفان ودعون للجار

في وسطها شديت بيت الشعر
والجيب وقفته لأجل لفت الانظار

قبل الحلال لا ايي ترى الجيب صفر
وما تم لي من ربطة المال اعشار

رديت وتسلفت وقلت اتصبر
دام الحلال بيرد ما منه اخسار

لقيت لي صاحب وقال ما شر
بالعون حنا جمبك فكل مضمار

حنا الثنين فخندق الحرب نحفر
وانت الخوي لي لك معزه ومقدار

عندي حلال نادر وطيب يسر
العين لي تشوفه ولافيه منكار

قمت اشتريت بطيب نيه وافكر
بان الرجل صادق ولاهوب غدار

بس يا حسافة كيف الانسان يغدر
عشان بعض المال يبيع الاخيار

من يومها وانا عايش على الجمر
لأني وفيت وياه فكل ما صار

كل ما اتصلت يرد ومن ثم يسكر
وان يت للعزبه ما لقيت بيدار

ماهو عشان فلوس انا اتغير
والحر يبقى حر لو تم ع اوكار

ويا شين اطباع البزارين تقهر
ولي ما تعرفه احذر تكون له جار

ع ــزام