منتدى استراحات زايد - محتاج مسأعدة في جيب باترول .!!!

السلام عليكم ورحمة الله وبركاته ..

مسائكم الله جميعاً بالخير ..

ياخواني / أتمنى منكم تفيدوني قدر المستطاع ( نظراً لقل خبرتي في هذا المجال )

طبعاً ( انا اعشق نيسان - بالأخص الباترول vtc ) - والله اراد واشتريت لي باترول موديل 2004 قير تماتيك - اخذته مافيه شيء سليماً نهائياً الا المكينة ( والسيارة ممشاها تقريبا 90 الف كيلو ) وهذا الي خلاني اطمع فيها وارضى بعيوبها ههههههههههههه ..( المهم جيت اوضب الجربكس وماهو راضي يضبط والكهرباء رايحه فيها والاوضاع كلها سيئة خسرت فيها حول 18 الف ريال وللحين صامل ) وهي ماهي خسارة في باترول " من وجهه نظري "... والدبل جايب فيها العيد الشايب الي كانت معه موقفها فوق سنتين وتحت السيارة فيه ماء " مستنقع " المهم هذا الي عدم الجربكس والدبل " والان انا بحاول ارجع السيارة ( واخليها وكاله وبما اني لي خلفية بسيطة بالكهرباء )
اخترت اشياء كثيرة للسيارة والان هي في الورشة ..فبديت بالكهرباء للسيارة حتى الظفيره فكيتها سلك سلك علشان احط لها عازل حراري وعازل موية ( شطرطون 3m ) ... وراح باذن الله اخلي العامل يضبطها لي ويخرج لي مخارج اسلاك اضافية ( للتؤليف مراوح عالي واطي - والواير "السحاب إو الونش "- وامور ثانية .. ان شاء الله وقتها تضبط ..
واكتشفت انه لرديترات المكينة قربتين موية ..!!؟
هذه جديدة علي ولا كيف ..!؟
احتاج منكم ياخواني / الان ابي السيارة تخلص من ناحية الميكانيكا و الكهرباء ..
وابدا اضبطها للبر ( من مساعدات و يآيآت و ومساعد دركسون وهذه الامور )
مع العلم اني ما أطلع البر كثير ولكن ( مثل مايقولون جت قدحه بالراس بدزها )
معي سيارة ثانية فـ راح اخلي السيارة لسالفة المزاج ..

احتاج منكم ياخواني بعض الخبرات ( الان بما اني بادئ في الكهرباء + والميكانيكا ) واحتاج طريقة لتجريب الدبل و والقير بدون الكمبيوتر ( طبعا زيادة فوق الكمبيوتر علشان ارتاح نهائياً )
واحتاج اشياء منكم تفيدون وخبراتكم في المجال المكشات .. وهذه العلوم...

رحم الله والدينكم و و والدي .. افيدوني ( جزاكم الله خير ) .. اتمنى تفاعل ياخواني ..( متورط ونص متورط ) ولكن باذن الله الامل موجود ( في الله ثم فيكم ) واحتاج خبراتكم للمرة الثالثة ..!!!

ولا اهون وابيعه بعد هذه الخساير وادور لي موتر ثاني ؟؟

والسلام عليكم ورحمة الله وبركاته .وآسف على الاطالة ...