دور عسى تلقى في خواليج روحي= بين الحزوم الخاليه من الصبا عــود

واسقيه من نبع المحبه صبـــــوحي= عساه يورش بالزهر فيه ويعـــــــود

من جرح شوكه سال نازف جروحي= يرسم فصحراء رحلتي صدق وعهود

يبس الغصون الجرد سدر ودوحي= تنخاك ياغيث الامل بالحيا جــــــــود

فتش في اعماق السراب الشحوحي= تلقى في سافي مهجتي كنز مفقــــود

فحات همي بللهايب تفــــوحي = تفوح في صدري كما نار الاخـــدود

حالت ضعون الشوق بعد ونزوحي= واثارها في خاطري هدم وجحـــــود

ابكي على ذيك الليالي وانوحي= مثل الحوار اللي عن الذود مفــــــرود

وهم السحابه في خريفي يلوحي= فاضت في شوب الياس غدران وعدود

مايونوخذ كود الاصيل الجموحي= اما انذبح والا مع القــوم في قيـــــود

باقي غصن فوقه حمام صدوحي= حب الثراء خلاه بالحانه يعــــــــــــود

اجبرتني ياذالحمايـــم ابـــوحي= لو ماالوطن واغليه ماكنت موجـــــــود

عطني امل لحظه ولو بالمزوحي= احسى في راحة الصبــح مولــــــــود

قال ابتعد في الحال يابعد روحي= مابيننا خط العمر ســــد وحـــــدود

حالة تلاقينا اشتعال وجنوحي = كما يلاقي باتروت في السماء سكود