آولك في آخيرك وأخرك فاولك
فيك قوة ضعيف وفيك ضعف القوي
فيك طيبة فقير وفيك هيبة ملك
يرتوي الشوف الا منك ما يرتوي
من كثر منت معجبني بغيت اسالك
كيف يحويك حسنك وانت له محتوي
كيف ما اهلك ومن قلبي علامه هلك
كيف يملا السكون قلوب تدوي دوي
كيف آوصل لقلبك وان قدرت آوصلك
آقدر آصبح حبيبك آو زميل آو خوي
كل شي(ن) بقلبي يعلمك يجهلك
ومن عرفتك وقلبي ساكن ومنزوي
وكل شي(ن) تجمل بك ولا جملك
كنك الدلو و الماي الحلو والطوي
يوم ربي خلقك وبالحلا كملك
واصبح القلب في لاماك مطوي طوي
ان بغي يختلي بك خاف لا يخجلك
من كثر منت شفاف وبرئ و روي
وان بغي يحتفظ بك خاف لا يزعلك
شوف لي حل في خيط الغلا الملتوي
وللذي حرمك لا..واللذي حللك
انك الاهتواء واني المهتوي
ماقدرت اتبادل معك واستبدلك
كل ما رحت عنك وجيت لك مكتوي
انتهي فيك وآرجع فيك من آولك
يالقوي الضعيف آو يا الضعيف القوي