سلام عليكم ورحمة الله وبركاته

وخير الكلام ماقل ودل

انا شاعر مبتدي وعندي قصيده وابي من الشعار واللي يفهم الشعر يقيمني
واكون شاكراً له

وهذي هي القصيده

ياهاجسي حل الشعر والفكر حال
في جلبة القيفان والبال رايق

قمت اتغنى تالي الليل يالال
وابدعت في جلب الشعر والطرايق

وشبيت ضوي من حطب شعري العال
وقامت هواجيسي تزيد الحرايق

وقامت تدور افكار وافكار ف البال
عيت تداوي جرحنا ف العلايق

جرحن عميقن من سبايب ها لجيال
اللي على فعل المراجل توايق

اللي تبى الدنيا وتركض ورى المال
مافكرت في غيرها من خلايق

ماهمها الا وسعت الصدر والحال
ماتدري ان العمر لحظة دقايق

وتقطع قرايبها من العم والخال
لاوصل ولا معروف ولاشي عايق

وتاخذ من طبوع النساوين مكيال
هرج القفاء ويا القلوب الغلايق

ناسن ذبحها الكبر ياعالم اثقال
منشان دنيا فانيه الكل ضايق

مبغي يطول الشعر والفكر ينهال
من شان من يسمع لها يكون فايق

واختامها صلوا عدد كل رجال
على الرسول اللي يعد الحقايق

وسلامتكم