منتدى استراحات زايد - علموني جزاكم الله خير (صيد سنوركل) + قصتي امس

السلام عليكم ورحمة الله وبركاته

يا اخوان انا من زمان هاوي السباحة وخاصة الغوص

وكنت ايام المدرسة اشارك في بطولات وحصلت على جوائز ولله الحمد

انا الان في راسي صيد سنوركل وابي توجيهكم يا اهل الخبرة

قرأت مواضيع في المنتدى عن المد والجزر والحمل والفساد والتيارات البحرية واستفدت

بس برضو حسيت نفسي مافهمت

امس على قبل المغرب بساعة او اقل شريت لي زعانف ونظاره وسنوركل ومسدس

ورحت البحر وشفت الموج شوي قوي لاكن قلت بس بجرب ونزلت وليتني مانزلت

والله يا اخوان وصلت لمنطقة عند الكسارة وحسيت البحر يسحبني سحب ويدفني لدرجة اني سرت اخبط في الشعب ماحسبت اطلع

ممكن تعلموني معلومات عامة ونصايح وتحطون روابط مواضيع مفيدة او قناة في اليوتيوب تعلمني

وجزاكم الله خير والله يستر علينا وعليكم