تقطيع على سرعه 100كلم محرك تويوتا كربريتر افيدوني
 

السلام عليكم و رحمه الله و بركاته

اللي عنده خبره بمكاين التويوتا كربريتر 2.2l ( مكينة 4y )

المشكلة في السابق كانت تقطيع و طرطعه من الشكمان و السيارة ما تعدي ال20 كلم
و فجأة انحلت من نفسها :)

ولكن الموتر حالياً صافي في السرعات العادية تحت 80 كلم
ولكن اذا مسكت عليه مشوار على سرعات 80 وفوق يبدأ يقطع العزم و يتفتف

الغريب انه مرات اشد عليه 140 ولا اشوف اي تقطيع و تفتفه و مرات اسرع بين 80 و 120 يبدأ يقطع و يتفتف

احياناً يتفتف على سرعه متوسطه تحت 80 كلم كأنه مافيه بنزين فتره بسيطه ادعس بنزين بشكل متكرر و القير فاضي لمده 5 - 10 دقايق و يرجع بعدها تمام 100٪


البواجي و اسلاك البواجي مغيرها جديدة نوع ngk ياباني و متأكد انها مناسبه للمحرك
و موزع الشرارة الكتروني شد بلد ما لمسته
و الحرارة ممتازة ما تزيد على الربع
اعبية 95 و كل بعد فتره احط منظف نظام الوقود اشتريه من ساكو

في احتمالين فكرت فيهم الاول وزن الكربريتر ( مع انه لا يوجد دخان اسود )
و الثاني طرمبة البنزين ( ميكانيكية شد بلد )

كيف اتأكد من الطرمبة و الكربريتر ؟ وهل يوجد احتمالات اخرى

اسف للإطاله ولكن المشكلة متكررة بشكل مزعج و العجيب انها تصلح من نفسها

جزاكم الله الف خير و جعلها في ميزان حسناتكم