مساكم الله بالخير


وشلونكم يالربع ومبارك عليكم عيد الحج والله يعيده السنه وكل سنه وانتم وحنا بخير وصحه وسلامه


المووضوع ومافيه معي موتر لاند كروزر موديل 2010 قير عايدي , له اسبوع ولا اسبوعين


طلع فيه صوت قطقطه بالخلف والصوت مايطلع الاّ اذا كان الموتر يمشي ومع دعسة البنزين !


لا صار الموتر واقف ودعست له مايطلع غير لاعشقته ومشيت حول الأربعين واكون داعس ع البنزين أسمعه يطقطق واحيان زي السرسره :) ( صوت صفير مقطع )


الوكاد ماخليت ولا ميكانيكي والله اني زد خسرت حول الـ 1700 حتى الأقمشه والهوبات غيرتها وخرطتها وكذلك قماش الجلنط


لكن المشكله جتني عقب ماغيرت قماش الجلنط لأن العامل يقول المسمار عجز لا يركب وعقب يقول رهمته !! محرنه منه وانا والله ما أدري


ياليت تعطوني أرائكم على وش أكشف طحت بها العمال حراميه ما يهمهم غير الدراهم


اللي يعرف ميكانيكي جيّد بالغربيه يعلمني ( مكه ــ جده ــ الطائف ) الله انه يجمعنا وياكم بالجنه



أفيدوني جعل شيبانكم للجنه