استفسار يا مهندسين مكشات
 

بسم الله الرحمن الرحيم
السلام عليكم ورحمه الله وبركاته
عندي استفسار يا هل الخبرة
عندي ددسن 97 نظيف وسليم ياربي لك الحمد
فيه عيب واحد اذا حس البرد يزكم :d
بمعنى الموتر طوال السنة لا يدخن ولا يتفتف ولا شي ابدا
الى ان يتغير الجو عليه مجرد ما يبرد يختلف الوضع
1_دخان أزرق مع أسود مع أبيض بشكل مرعب تقول بخاخ بلدية
2_تفتفة لدرجة احيان يطفي بذات فالصباح ايام الربيع
تذكرت حالته ذي لاني قبل اسبوع طلعت منطقه باردة ويوم شغلته تذكرت حالته القديم إلا انها اخف
طبعا سألت واحد له خبرة قال هذا جلد البلوف تعبانة
وكشف مهندس عليها قال مكينة تعبانة مع العلم ان الموتر ما ينقص زيت غير نسبة قليلة جدا ولا تذكر
وهذا الكلام العام فالبرد شهر3
تركتهم لا غيرت جلد البلوف ولا وضبت المكينة
ومشيت فيه لين دخل الصيف ورجع وضع موتري على ما يرام
الحين قربنا على البرد وقلت اسال واستفسر يمكن احد مرت عليه الحالة ذي وعنده خبرة ويعلمنا الحل
طبعا فيه واحد قال كت زيت بالتانكي وامش خط الزيت بترومين علبة رصاصية يقول يلين الجلد ويزبط الروس وكل شي
وانا محتار والبرد قرب عطونا رأيكم حول موضوعي وشكرا