منتدى استراحات زايد - إلتقينا عند "أحبك" و افترقنا عند "باي"

مــرحـــبــا الـســااااع ^^

عيبتني القصيدة و حبيت أنقلها لكم:

لعنبـووو قصـة غــرام كل ابـوهـا كلمتـيـن
ابتدينـا عنـد احـبـك وانتهيـنـا عـنـد بــاي

تـونـا ما مشيـنـا فالـهـوى لو خطـوتـيـن
وانتهى الموضوع كله حتـى ما عـرف وش خطـاي

وأنتهت قصّة حياتي بكـل سهولـه تحكمـيـن
ويـن احبك؟ ويـن اريدك؟ ويـن ساكـن فـي حشـاي

يمكـن انـج ما وفيـتـي يــوم جيـتـي تعشقـيـن
ويمكـن انـج تحسبينـي بتبـعـج مــن دون راي

ويمكـن ااصـلا ماعشقتـي بـس كنـتـي تلعبـيـن
ويمكـن انـج ماوصلتـي فـي هـواج لمسـتـواي

ويمكـن انـي ماعرفتـج فالحقيقـه وش تبـيـن
ويمكـن انـي خنـت نفسي .. يـوم اعطيتـج وفـاي

علمينـي فالـهـوى ياجاهـلـه وش تعرفـيـن
تعرفيـن انـج غديتـي (شي) يجـري فـي دمــاي

علمينـي فالعطـاء والتضحـيـه وش تفهمـيـن
لعنبووو حبـج عشانـج بـعت اقـرب اقربـاي

كنـت احطـج فـي عيونـي تسرحيـن وتمرحـيـن
كنت اشيل هموم قلبج وارمـي همومـي وراي

كنت اطيـر مـن السعـاده يـوم اشوفـج تضحكيـن
كنت ذايب في هواااج مثل سكـر وسـط مـاي

كنـت نايـم فالعسـل وارسـم مـن الفرحـه سنيـن
كنت اظنج قلب عاشـق ما سكـن وسطـه سـواي

ماوعـيـت الا وانـتـي فــي خفـوقـي تطعنـيـن
ما وعيـت الا وسيفـج بالحشا .. رايـح وجـاي

وردة والله ورده بــس عرفـتـي تجـرحـيـن
كـل شـي فينـي جريـح الا فخامـة كبرياي

ما تأثرت بغيابج .. وش يعنـي دمعتيـن ..؟؟
بكره انسى .. صدقيني .. وارجـع بكامـل .. قـواي

ادري ان حنا .. افترقنا .. بـس ابفهـم حاجتيـن
علميني وش كسبتي..؟! وعلميني .. وش خطاي

اصلا الموضوع كلـه.. مـا تعـدى .. كلمتيـن
التقينا عند (احبك) ..!! وافترقنـا عنـد (باي) ..!!

مـنـقـول ^^