منتدى استراحات زايد - يابعد حييي افزعو يالمهندسين تكفون

السلام عليكم
كل عام وانتم بخير
والحجاج الله يتقبل حجهم

ياشباب ابي فزعتكم والله انكم ماتدرون وش اني في حيره من امري
طحت بنصابين ولعبو بموتري وكلو دراهمي ودراهم بردها منهم بس الموتر ماصلح لحد الان المهم ابقولكم قصتي

شهر 7 1435 هـ كنت راجع من الملز بالرياض المهم وانا مخفف السرعه واشم ريحة حريقه ودخان ابيض معي بالغماره
واصفط يمين وافتح الكبوت الا علبة الفيوز الي موضحها بصوره ((1)) مشتبه نار وطفيتها وانتبهت النار من فوق العلبه (الفيوز) صلحتها عند المطيويع بمبلغ وقدره بعلبه مستعمله وتوكلنا على الله وفي نهاية 10 وانا قريب من الجميح على الخدمه بخريص الا ريحه قوويه حريق واصفط وافتح الكبوت وهالمره فيه دخان كثيف والحمدالله طفيتها كان الحريق بثلاث مواقع مثل ماهو موضح بصور ((2))
وبعدها علق معي الدبل وانا امشي يعشق معي (فرار الدبل) واذا اشتغل معي اوقف وافصل البطاريه واخليه اخر مره اكثر من 48 ساعه والان فصلت دينمو الدبل وطلعت كتابه الانجليزيه حقت الدبل
والموتر تغير طبعاً والان اليوم انتبهت لنفس الكويل التفحم والله يكفيني شره امين

*الان هل فصل الدينمو استعجال او وش المشكله الي بسببها الفصل الدينمو ؟

*القطعه مره غاليه هنا ولا حصلتها لا جديده ولا مستعمله ومادري قالو لي اطلب من امريكا وبحلت بعمري الانجليزي👎👎

*الاصوات الي اسمعها ((3)) اول مافتح السيااره كذا طق طق طق طق طق طق طق طق طق طق طق طق طق طق طق طق بس سريعه جداً من شريت السياره
والصوت الثاني ((4))اذا جلست داخل السياره وقفلتها يعني السياره تكون طافيه لها وقت يطلع فيها صوت اللتماس بسيط والشاشه تولع وتطفي بسرعه يمكن مرتين او 3 بالكثير
*واذا به احد يبي يساعدني ويفهم بنوع هالسياره يطلبها واجيبها له لني ابي ابيعها ولا ابي اغش احد
اخف ياخذ واحد وتشب فيه ويصير برقبتي
** ابي فزعتكم يابعد حيي**
•سامحوني بالاخطاء الاملائيه•