|
عزيز النفس السلام عليكم ورحمة الله وبركاته احبتي : هي لكل عزيز نفس ورفيق صادق . * * يبو ماجد حباك الله عطيه حباك احلا الصفات من الرجالي عزيز النفس فيك الجاذبيه يبو ماجد عزيز النفس غالي قريتك في الحروف الابجديه حروف العز وشموخ الجبالي ترحب وانت تعبا الشاذليه ومن بعد التراحيب الخيالي1 علومك كلها اعلومن طريه تسولف للرجال عن المعالي ودايم ناركم يا الشيخ حيه ولو مرّ الدهر والجيب خالي وفي المسراح تنزل ع المطيه وتاخذ واحدن ماله رحالي وعند اهل القلم لك قابليه تعقد الراي واتحل السؤالي طموح ٍفيك صبر وحسن نيه صدوق ولك مع الحكمه مقالي تخاوينا على الدنيا سويه ولا قد قلت لي مالك ومالي ولاقد قلت لي هاذي وذيه ولاقد قلت للشينه تعالي تجيب الصيد واكفوفك نديه يخالطهاالجمر تحت الرمالي تشيل الهم حمال الاسيه عزيز النفس واحمولك ثقالي وتنظم شعر وابياتك عذيه على الطرق الجنوبي والشمالي وتعجبك الفتاة " الجامعية يغطي ليلها يادوب شالي لهااوصاف البنات الساحليه كما الهيل المبهّر بالدلالي وتعجبك الحروف العاطفيه وتهتف وانت متهني وسالي ولايعجبك شيّال .. الاذيه ولو يلبس على الغترة عقالي عسى شانيك يبلى بالبيه تجيه الجن بانواع الخبالي وعسى يفداك بوار اب ـ خويه ويفداك الردي شين الفعالي .. 1 الخيال هنا ( الذبيحة ) مع تحيات اخوكم / المجد |
| الساعة الآن 09:58 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir