الفزعه يالنشامى ابي شوركم في شراء جيب
 

السلام عليكم

الله لا يهينكم ابي شوركم محتار جداً ولا عندي ذيك الخبره باسعار السيارات ولا مواصفاتها
ميزانيتي 140 الف أقدر اوصلها الى 155 ماعندي مشكله و ابي جيب جديد وكاله يكون أعتمادي ماتهمني المواصفات على قد مايهمني انه صبور و اعتمادي و يكون فيه مكيفين و ثلاجه ودفلوك
اخذت لفه سريعه بالمعارض سالت عن اللاندكروزر لقيت جي ليمتد بـ157 الف لكن مافيه مواصفات اللي ابيها بدون دفلوك و بدون مكيف خلفي و بدون ثلاجه فقط ونش و مراتب خلفيه متقابله و بدون انوار ليد وعدسات الانوار القديمه هالوجين
سألت عن النيسان باترول الشكل القديم اعجبني سعره و مواصفاته لكن لون الداخليه ما اعجبني ابداً

وش رايكم وش تنصحوني اخذ جديد و اغض الطرف عن بعض المواصفات يعني ما اتشرط ولا اخذ مستعمل و ميزانيتي وش تجيب لي مستعمل اذا احتديت عليه اهم شيء يكون بحكم الجديد يعني ممشاه من الـ20 الف وحولها لاني بستخدم عمرر