|
الدروب طوال والمسرى بعيد......!!!!! ........................... ياهجوسي أنتبه خلك معي ودي أكتب ماطرالي بالقصيد ويالجوارح أذعني لي وأسمعي وش حصل للناس بالوقت الجديد وياذلولي درهمي بي وأربعي والله أنتس من وريدي للوريد درهمي بي وأربعي بي وأسرعي الدروب طوال والمسرى بعيد وإن تكدر خاطري فالله معي مؤمنٍ بالله ذو العرش المجيد المراجل ماتجي بالمرمعي من رمعها تخلفه شئٍ أكيد المراجل كايده تبغى سعي ومن بغى درب المراجل لايحيد أكره الرجال لاصار أمعي وأغلي الرجال ذو الراي السديد يصبح الرجال ماعنده وعي يوم يرخي الراس ارخاي العبيد يغلي أصحاب البشوت ويربعي لالمح له بشت لو ساعي بريد لو رصيده واجدٍ مايشبعي لو ملك مالٍ مثل مال الوليد ذل نفسه في حياته يركعي التعيس اللي يظن إنه سعيد من شرب كاس الرخامه يجرعي لين يونس من على كبده صديد ولعي به يافتيله ولعي مايجي تحت الرماد الا الهميد يدّعي والا ترى ما يدّعي البليده ماتجي غير البليد الردى بابه تراه مشرعي ومن دخل باب الردى حظه زهيد ماأسهل المدخال وعِسر المطلعي كنه طايح من علو الجو حيد ومن بعدها ياذلولي أطلعي الليالي موحشه والدرب سيد أطلعي بي ياذلولي وأشلعي لو أعيش العمر في الدنيا وحيد والله إني لو أساق لمصرعي مايلين الراس لو لان الحديد ................................ جابر ابن مبارك آل ثفنان ------------------------------ |
| الساعة الآن 12:56 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir