الوجه هل هي تابعه للملكة العربية السعوديه ام لا
 

في البداية اشهد الله على كلامي وانا محاسب عليه يوم الحساب

ذهب بعض الاصدقاء لي قبل امس الى الوجه للصيد في الساحل واتصلت عليهم صباح اليوم لاخذ علوم الصيد ولكنهم صدموني بقصه من افلام الاكشن وهذه التفاصيل

وصلو قبل امس ونامو في شعيب السيح وهم 5 اشخاص كل شخص على موتره وافترقو فجر امس كل شخص في اتجاه
ابو خالد طب شعيب السيح وجته سياره هايلكس بها 3 اشخاص قاله وش عندك هنا قال اتصيد قال لاتطب الشعيب هذا الشعيب لي ملكي انا قاله ابو خالد سم وابشر وبعد ماحرك ابو خالد راعي الهايلكس رمى ابو خالد بشوزن من عند الباب والحمدلله جت سليمه الحلبي ماتعدى الباب فقط بعض الجروح من انكسار القزاز
راح ابو خالد للشرطه يبلغ حصل الي رموه بالمركز مدعيين انه هو الي رماهم وسجنو ابو خالد وقالو انت رامي الباب عشان تتهم راعي الهايلكس وراعي الهايلكس معروف بالديره ولاهو راعي مشاكل

الشخص الثاني ابو عبدالعزيز صارله نفس الموقف جنوب الوجه ب30 كيلو جاه جيب فيه8 اشخاص وقفوه وسحبو المفتاح وخذو سلاحه وصندوقين فشق وكل اغرضه من جوال وعزبه بعد ضربه بالحديد والخشب واخر كلام سمعه لاعاد تطب الوجه مره ثانيه ومشى ابو عبدالعزيز رجليه قرابة 8 كيلو للزفلت واشر لسياره وشاله المستشفى وجته الدوريات وعطاهم رقم اللوحه وطلعت اللوحه لسياره بالتشليح

اخوياهم الباقين حاولت توقفهم سيارات لكنهم جنبوهم وجاء وقت المغدى ولاجو اخوياهم الثنيين يكلمونهم الجوالات مقفله تحروهم للمغرب نفس الكلام مقفلات الجولات الى الساعه 10 بالليل مقفلات راحو للشرطه يبلغون فتشوهم االشرطه عند باب المركز وخذو سلاحهم وووقفهوهم الى ان حضر كفيل العصر واخرجهم
الا ابو خالد الى هاللحظه موقف وينتظر تنازل راعي الهايلكس

يا اخوان سلاح الربع كل مصرح واعمارهم كلهم فوق الاربعين

لاكن هل معقول هذا يحدث في السعوديه بلد الامن والامان
هل وصلت تصير عصابات تجيك تضربك وتسلب مالك واغراضك
الحذر وكل الحذر ياخوان من هذه العصابات بكرا ترووح اروواح
هل الوجه بالسعوديه ولا خارجها