لـ اللي عندهم مشكله بدودة الدركسون الرجاء الدخول لـ الاهميه
 

السلام عليكم ي اخوان ..
انا عندي مشكله ب جيب باثفندر 2007 ، طلع لي تندية زيت دركسون ع الارض ..
ولما رحت لجميع ورش الهيدروليك كلهم اجمعوا ان العلبه تهرب وتحتاج تغير ، والمشكله ان تغيرها مكلف خصوصا ان القطعه قيمتها بالوكاله 2700 ريال ..
ف سالت احد المهندسين ، وقال لي هذي اصلاح دودة الدركسون تهرب عندك ، نضبطها لك ب 800 وضمان شهرين ..فكرت وحسبتها وقلت هذا ارخص وتوكل ع الله .. طبعا القطع عليه هو " كان جنسيته يمني " .. نزلت السياره الصبح وقال تعال ب الليل استلمها .. طلعت لـ بيت الوالد وتغديت عنده وشرحت له القصه ، قال لي الاصلاح عباره عن جلب لها اسم " صوف " .. يبدلونها ف اذا فكها انت شيك ب نفسك عليها اذا خربانه ولا لا ..

ي اخوان رجعت له الظهر ووقفت على راسه وكل شوي يقول لي رح ل البيت ريح واذا فيه شي اتصل علي .. حسيت اني نشبت له ب صراحه ..
طبعا جالس انا مروق ولاعندي مشكله لين فك الصوف الثنتين ف كانت المفاجاه ان الصوف مافيها اي قطع او ارتخاء وكانت قويه مثل الجديد .. ف سالته ايش الخراب فيهااً .. ف قال لي اسف فكرت انها خربانه وطلعت صالحه خلاص ارجع لك الصوف واركب الدوده وانا اسف ..
الزبده ي اخوان اللي يصلح سيارته ب الصناعيه لازم يوقف ع راس الميكانيكي او الكهربائي ويساله ايش هذا وايش هذا " منها تتعلم ومنها تعرف وش قاعد يصير ، وماتضر انك تجلس عنده كم ساعه لـ مصلحة سيارتك "


ارجوا من الجميع يتفهم ان بعض الميكانيكيين يتعلموا ع سيارتهم ولا نبي هـ الشي يتفاقم ..


واشكر لكم جميعاً
دمتم ب ود